မနက်ဖြန် ဒီဇင်ဘာ ၂၈ ရက်မှစတင်ကာ အပိုင်း(၃)ပိုင်းခွဲ၍ကျင်းပမည့် ရွေးကောက်ပွဲသည် မြန်မာနိုင်ငံသမိုင်းတွင် ဒီမိုကရေစီမှတ်တိုင်တစ်ခုဖြစ်လာမည်ဟု ပြည် ထောင်စုရွေးကောက်ပွဲကော်မရှင်(UEC)ဥက္ကဋ္ဌဦးသန်းစိုးက ပြောသည်။
UEC ဥက္ကဋ္ဌမှ ယနေ့ ဒီဇင်ဘာ ၂၇ ရက်မွန်းလွဲပိုင်းက ရွေးကောက်ပွဲသို့လာရောက်လေ့လာသည့် နိုင်ငံတကာရွေးကောက်ပွဲစောင့်ကြည့်လေ့လာသူများအားကြိုဆိုနှုတ်ခွန်းဆက်စကားပြောကြားခြင်းနှင့် ရွေးကောက်ပွဲဆိုင်ရာ ရှင်းလင်းဆွေးနွေးခြင်းအခမ်းအနားတွင် ပြောကြားခဲ့ခြင်းဖြစ်သည်။
” အဆွေတော်တို့လာရောက်လေ့လာမှုဟာကျင်းပမယ့် ရွေးကောက်ပွဲရဲ့ လွတ်လပ်မှု၊ တရားမျှတမှု၊ ပွင့်လင်းမြင်သာမှုနဲ့ ဂုဏ်သိက္ခာရှိသည့် ရွေးကောက်ပွဲဖြစ်စေဖို့ကြိုးပမ်းဆောင်ရွက်နေမှုအပေါ် နိုင်ငံတကာရဲ့အား ပေးထောက်ခံမှုကိုပြသရာရောက်ပါတယ်။ အခု ရွေး ကောက်ပွဲဟာ မြန်မာနိုင်ငံသမိုင်းမှာ ဒီမိုကရေစီမှတ် တိုင်တစ်ခုဖြစ်လာမှာပါ။ မဲဆန္ဒရှင်တွေအနေနဲ့ မိမိတို့ရဲ့ နိုင်ငံသားအခွင့်အရေးဖြစ်တဲ့ မဲပေးခွင့်ကိုအသုံးချပြီး နိုင်ငံအနာဂတ်လမ်းကြောင်းကို ဆုံးဖြတ်ပေးနိုင်မယ့်အချိန်အခါလည်းဖြစ်ပါတယ်”ဟု UEC ဥက္ကဋ္ဌဦးသန်းစိုးက ပြောသည်။
ထို့ပြင် ကော်မရှင်အနေဖြင့်စောင့်ကြည့်လေ့လာမှုများဆောင်ရွက်ရာတွင် အဆင်ပြေချောမွေ့စေရန် သက် ဆိုင်ရာဌာနများနှင့်ပူးပေါင်းပြီး အပြည့်အဝဆောင် ရွက်ထားကာ စောင့်ကြည့်လေ့လာသူများ၏ကျင့်ဝတ်စည်းကမ်းများနှင့်အညီ စောင့်ကြည့်လေ့လာပေးရန်လည်းပြောကြားခဲ့ပြီးနောက် UEC ရုံးမှတာဝန်ရှိသူများက မြန်မာအီလက်ထရောနစ်မဲပေးစက်(MEVM)အသုံး ပြုပုံများအား လက်တွေ့ရှင်းလင်းပြသခဲ့ကြသည်။
အခမ်းအနားသို့ ရုရှားနိုင်ငံမှ ဒူးမားလွှတ်တော်ကိုယ် စားလှယ်အဖွဲ့နှင့် ဗဟိုရွေးကောက်ပွဲကော်မရှင်အဖွဲ့၊ တ ရုတ်နိုင်ငံ၊ အာရှရေးရာအထူးကိုယ်စားလှယ်အဖွဲ့နှင့် တ ရုတ်ကွန်မြူနစ်ပါတီဗဟိုကော်မတီ၊ နိုင်ငံတကာရေးရာဌာနကိုယ်စားလှယ်အဖွဲ့၊ ဘယ်လာရုစ်နိုင်ငံ ဗဟိုရွေး ကောက်ပွဲကော်မရှင်အဖွဲ့နှင့် လွှတ်တော်ကိုယ်စားလှယ်အဖွဲ့၊ ကာဇက်စတန်နိုင်ငံ၊ ဗဟိုရွေးကောက်ပွဲကော်မရှင်အဖွဲ့၊ ကမ္ဘောဒီးယားနိုင်ငံ၊ အမျိုးသားရွေးကောက်ပွဲကော်မရှင်အဖွဲ့၊ ဗီယက်နမ်နိုင်ငံ ကိုယ်စားလှယ်အဖွဲ့၊ နီကာရာဂွာနိုင်ငံ ကိုယ်စားလှယ်အဖွဲ့ ၊ အိန္ဒိယနိုင်ငံမှ ကိုယ်စားလှယ်အဖွဲ့ နှင့် မြန်မာ-ဂျပန်အသင်း(MJA) ကိုယ်စားလှယ်အဖွဲ့တို့ တက်ရောက်ခဲ့ကြသည်။
အဆိုပါ နိုင်ငံတကာရွေးကောက်ပွဲစောင့်ကြည့်လေ့လာရေးအဖွဲများသည် ညနေပိုင်း၌ မာရဝိဇယရုပ်ပွားတော်မြတ်ကြီး၊ ဥပ္ပါတသန္တိစေတီတော်မြတ်ကြီးနှင့် မဏိရတ နာကျောက်စိမ်းခန်းမတို့ကို လေ့လာကြည့်ရှုခဲ့ကြသည်။