ယခု ၂၀၂၅-၂၀၂၆ ဘဏ္ဍာနှစ်၏ ၆ လတာကာလအတွင်း ပြည်ပအထည်ချုပ်တင်ပို့မှုသည် ယမန်နှစ်အလားတူကာလနှင့်နှိုင်းယှဉ်ပါက ၉ ရာခိုင်နှုန်းတိုးတက်လာကြောင်း ကုန်သည်စက်မှုအသင်းချုပ်မှ အထွေထွေအတွင်းရေးမှူးချုပ် ဒေါ်ခိုင်ခိုင်နွယ်က ပြောသည်။
မြန်မာနိုင်ငံအနေဖြင့် အထည်ချုပ်လုပ်ငန်းကို ပြည်ပမှ ကုန်ကြမ်းသွင်းကာ ပြည်တွင်း၌ ပြန်လည်ချုပ်လုပ်သည့် CMP လက်ခစားစနစ်ဖြင့် ဆောင်ရွက်နေခြင်းဖြစ်သည်။
ယင်းကဲ့သို့ လက်ခစားစနစ်ဖြင့် မြန်မာနိုင်ငံသို့ အော်ဒါမှာယူနေသာ အများဆုံး ၁၀ နိုင်ငံစာရင်းတွင် အီးယူ (ဥရောပသမဂ္ဂအဖွဲ့ဝင်နိုင်ငံများ)၊ ဂျပန်၊ ကိုရီးယား၊ အမေရိကန်၊ တရုတ် စသည်တို့ဖြစ်ကြောင်း သိရသည်။
မြန်မာနိုင်ငံအနေဖြင့် အထည်ချုပ် (ချုပ်ပြီးအထည်) တင်ပို့မှုကို လေ့လာကြည့်ပါက ၂၀၂၂ ခုနှစ်တွင် အများဆုံးတင်ပို့နိုင်ခဲ့ပြီး ဝင်ငွေအများဆုံးရရှိခဲ့ကြောင်း သိရသည်။
၂၀၂၃ ခုနှစ်တွင် ၁၄ ရာခိုင်နှုန်း၊ ၂၀၂၄ ခုနှစ်တွင် ၁၁ ရာခိုင်နှုန်းလျော့ကျခဲ့ကြောင်း သိရသည်။
မြန်မာနိုင်ငံ၏အဓိကပို့ကုန်များဖြစ်သည့် ဆန်၊ ပဲ၊ ပြောင်းစသည်တို့အနက် CMP စနစ်ဖြင့် အထည်ချုပ်တင်ပို့မှုမှာ ပြည်ပတင်ပို့မှုအများဆုံးဖြစ်ပြီးအထည်ချုပ် (ချုပ်ပြီးအထည်)သည်ပို့ကုန်ကဏ္ဍ၌ အတိုးတက်ဆုံးဖြစ်ကြောင်း သိရသည်။