ရွေးကောက်ပွဲအတွက် မဲစာရင်းပြုစုရေးဆိုင်ရာအစည်းအဝေးအား နိုဝင်ဘာ ၁၀ ရက်မွန်းလွဲ ၂ နာ ရီက နေပြည်တော်၌ပြုလုပ်ခဲ့ရာ နစက ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းတက်ရောက်၍ အမှာစ ကားပြောကြားရာတွင် ထည့်သွင်းပြောကြားခဲ့ခြင်းဖြစ်သည်။
မဲစာရင်းများမှန်ကန်စေရန် ပထမအဆင့်အနေ ဖြင့် နိုင်_ ၄ နှင့်ပတ်သက်သည့် စာရင်းဇယားများကို အတိအကျဖြစ်စေရန် ဆောင်ရွက်ခဲ့ရာ စတင်ထုတ်ပေးသည်မှနောက်ဆုံးအချိန်အထိ ကောက် ယူရရှိသည့်စာရင်းဇယားများအရ ၅၂ သန်းကျော်ရှိသည်ဟု ပြောသည်။
နိုင်-၄ ကိစ္စစိစစ်ဆောင်ရွက်ရာတွင် တစ်ဦးတည်းမှ မှတ်ပုံတင်ကတ်ကိုင်ဆောင်သူဦးရေ ၅ သိန်းကျော်ရှိကာ မှတ်ပုံတင်နံပတ်ရှိပြီး အချက်အ လက်မစုံလင်သည့် မှတ်ပုံတင်ကတ် ၁ သန်းကျော် တွေ့ရသည်ဟု ပြောသည်။
အဆိုပါ မှားယွင်းမှုများသည် နိုင်ငံအတွက်များစွာအန္တရာယ်ရှိပြီး e-Government လုပ်ငန်းစဉ်အ တွက် အခြေခံအချက်အလက်များမပြည့်စုံသည့် အန္တရာယ်လည်းဖြစ်ကာ “မြေမျို၍လူမျိုးမပျောက်၊ လူမျိုမှသာလူမျိုးပျောက်မည်” ဖြစ်၍ မှားယွင်းမှုများ ထပ်မံမဖြစ်ပွားစေရန် အဆင့်ဆင့်ထိန်းချုပ်ဆောင်ရွက်နေခြင်းဖြစ်သည်ဟု ပြော သည်။
ဒုတိယအဆင့်တွင် မှတ်ပုံတင်များအား ကွန်ပြူတာစနစ်ဖြင့်စိစစ်ပြီးနောက် သန်းခေါင်စာရင်းကို Software နည်းပညာဖြင့် စစ်ဆေးရာတွင် ထုတ် ပေးစာရင်း ၁၃ သန်းကျော်တွေ့ရ၍စိစစ်ရာ သေ ဆုံးသွားသူများ၊အကြောင်းအမျိုးမျိုးကြောင့် နိုင် ငံခြားသို့ရောက်ရှိသွားသူများနှင့်နိုင်ငံခြားသားခံယူထားသူများကိုလည်းတွေ့ရှိရသည်ဟု ပြောသည်။
“အိမ်ထောင်စုစာရင်းမှာ မိသားစုနာမည်သာရှိပြီး မှတ်ပုံတင်မရှိသူ ၂၂ သန်းကျော်တွေ့ရပါတယ် အ သက် ၁၈ နှစ်အထက် ၁၄ သန်းကျော်ဟာ သန်းခေါင်စာရင်းမှာ မှတ်ပုံတင်နံပါတ်မဖြည့်ထားပါဘူး ဒါ့ကြောင့် တတိယအဆင့်ကိုသွားတဲ့အခါအဲဒီမှားယွင်းမှုတွေကို သေချာစီစစ်ဆောင်ရွက်သွားရပါမယ်”ဟု နစက ဒု-ဥက္ကဋ္ဌက မှာကြားခဲ့သည်။
တတိယအဆင့်တွင် စာရင်းသွင်းခြင်း၊စစ်ဆေးပြင်ဆင်ခြင်းတို့အား သက်ဆိုင်ရာ ဝန်ကြီးဌာနများ၊တိုင်းနှင့်ပြည်နယ်များတွင် ဝန်ကြီးချုပ်များဦးစီး၍ ရွေးကောက်ပွဲကော်မရှင်၊လူဝင်မှုကြီး ကြပ်ရေးနှင့်ပြည်သူ့အင်အားဦးစီးဌာန၊အထွေ ထွေအုပ်ချုပ်ရေးဦးစီးဌာန၊ကွန်ပျူတာပညာရှင်များ၊လူမှုရေးအသင်းအဖွဲ့များအပြင် လုံခြုံရေးအဖွဲ့ဝင်များနှင့်ပူးပေါင်း၍ အမြန်ဆုံးမြေပြင်စာ ရင်းကောက်ယူနိုင်ရေးဆောင်ရွက်ရမည်ဟု မှာ ကြားသည်။
“အဲဒီလို တိကျမှန်ကန်တဲ့ စာရင်းကောက်ယူနိုင်မှသာ လွတ်လပ်ပြီးတရားမျှတတဲ့ ပါတီစုံဒီမိုကရေစီအထွေထွေရွေးကောက်ပွဲကြီးကို အောင်မြင်စွာကျင်းပနိုင်ဖို့အတွက် မဲစာရင်းတွေကိုအမှန်တ ကယ်ပြုစုနိုင်မှာဖြစ်ပါတယ် ဆက်ပြီးဆောင်ရွက်မယ့် e-ID စနစ်မှာ မှန်ကန်တဲ့အချက်အလက်တွေကိုလည်း ရရှိနိုင်မှာဖြစ်ပါတယ်”ဟု နစက ဒု-ဥက္ကဋ္ဌကပြောသည်။
မှတ်ပုံတင်၊သန်းခေါင်စာရင်းများနှင့်ပတ်သက်၍ မြေပြင်စာရင်းကောက်ယူရာတွင် မသန်စွမ်း အ မျိုးအစား(၄)မျိုးကိုလည်းသေချာစွာရေးသား ဖော်ပြနိုင်ရမည်ဟု မှာကြားခဲ့သည်။
