ယခုလ ဇန်နဝါရီ (၁၁) ရက်တွင် မွန်ပြည်နယ်အတွင်းရှိ မြို့နယ် (၅) မြို့နယ်၌ ရွေးကောက်ပွဲအပိုင်း (၂) ကို ကျင်းပပြုလုပ်တော့မည်ဖြစ်ရာ ယင်းရွေးကောက်ပွဲအပိုင်း (၂) အတွင်း မဲပေးပိုင်ခွင့်ရှိသူ (၅၉၃,၀၀၀) ကျော်ရှိကြောင်း ခရိုင်ရွေးကောက်ပွဲကော်မရှင်အဖွဲ့ခွဲထံက သိရသည်။
ရွေးကောက်ပွဲအပိုင်း (၂) အတွင်း ပါဝင်သည် မြို့နယ် (၅) မြို့နယ်မှာ ဘီးလင်း၊ ပေါင်၊ မုဒုံ၊ သံဖြူဇရပ်နှင့် ရေးမြို့နယ်တို့ဖြစ်ပြီး၊ လွတ်တော် (၃) ရပ်အတွက် ဝင်ရောက်ယှဉ်ပြိုင်မည့် ကိုယ်စားလှယ်လောင်းစုစုပေါင်း (၈၉) ဦး ရှိကြောင်း ဆိုသည်။
လွတ်တော် (၃) ရပ်အတွက် ဝင်ရောက်ယှဉ်ပြိုင်မည့် ကိုယ်စားလှယ်လောင်းများအနေဖြင့် အမျိုးသားလွှတ်တော် (၂၅) ဦး၊ ပြည်နယ်လွှတ်တော်(၂၇) ဦး၊ ပြည်သူ့လွှတ်တော် (၂၇) ဦး၊ ကရင်တိုင်းရင်းသားလူမျိုးကိုယ်စားလှယ် (၃) ဦး၊ ဗမာတိုင်းရင်းသားကိုယ်စားလှယ် (၄) ဦး၊ ပအိုဝ့်တိုင်းရင်းသားကိုယ်စားလှယ် (၃) ဦး တို့ဖြစ်ကြောင်း သိရသည်။
မွန်ပြည်နယ် ရွေးကောက်ပွဲအပိုင်း (၂) ၌ ပါဝင်မည့် မြို့နယ်များအတွက် သက်ဆိုင်ရာလုံခြုံရေး အဖွဲ့အစည်းများကတာဝန်ယူထားသလို၊ ရေးမြို့ကဲ့သို့သော မဲဆန္ဒနယ်မြေမှာ နိုင်ငံရေးပါတီများအတွက် ရွေးကောက်ပွဲအတွက် အောင်နိုင်ရေးလှုပ်ရှားမှု အားနည်းကာ အခက်ကြုံတွေ့နေရကြောင်း သိရသည်။
ပြီးဆုံးခဲ့သည့် ရွေးကောက်ပွဲ အပိုင်း (၁) အတွင်း မြို့နယ် (၅) မြို့နယ်ဖြစ်သည့် မော်လမြိုင်၊ ကျိုက်မရော၊ ချောင်းဆုံ၊ ကျိုက်ထိုနှင့် သထုံမြို့တွင် ကျင်းပခဲ့ပြီး မဲရုံပေါင်း (၃၃၅) ရုံ ဖွင့်လှစ်နိုင်ခဲ့ကာ ရွေးကောက်ပွဲအပိုင်း (၂) အတွက် မဲရုံပေါင်း (၃၂၁) ရုံ ဖွင့်လှစ်သွားရှိမည် ဖြစ်သည်။
ပုံစာ – ရွေးကောက်ပွဲအပိုင်း (၁) ကာလ မော်လမြိုင်မြို့တွင် မဲပေးနေသည့် မြင်ကွင်းပုံရိပ်အချို့