မြိတ်မြို့နယ်တွင် ကျပ် နှစ်ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား (၇)သိန်းကျော် ဖမ်းဆီးရမိ

တနင်္သာရီတိုင်းဒေသကြီး၊ မြိတ်မြို့နယ်၌ ကျပ်နှစ်ဘီလီယံကျော်တန်ဖိုးရှိ စိတ်ကြွရူးသွပ်ဆေးပြား (၇) သိန်းကျော် ဖမ်းဆီးရမိခဲ့ကြောင်း သိရသည်။ ပြီးခဲ့သည့် ဒီဇင်ဘာ (၃၁) ရက်နေ့က မြိတ်မြို့နယ် တက္ကသိုလ်ရပ်ကွက် တက္ကသိုလ်ရိပ်သာလမ်းမပေါ်တွင် မြိတ်မြို့နယ် ကျွဲကူးကျေးရွာနေ အောင်ထွန်းမင်း (ခ) ကုလား မောင်းနှင်လာသည့် ဆိုင်ကယ်ကို ရပ်တန့်စစ်ဆေးစဉ် စိတ်ကြွရူးသွပ်ဆေးပြား (၂၀,၀၀၀) ကို ဖမ်းဆီးရမိခဲ့ခြင်းဖြစ်သည်။ ထိုနောက် နေအိမ်ကို ထပ်မံစစ်ဆေးရာ စိတ်ကြွရူးသွပ်ဆေးပြား( ၇ ဒဿမ ၅ ) သိန်းကို ထပ်မံသိမ်းဆည်ရမိခဲ့ပြီး စုစု‌ပေါင်းတန်ဖိုးငွေ ကျပ် ၂ ဒဿမ ၃၁ ဘီလီယံ တန်ဖိုးရှိကြောင်း သိရသည်။ ဆက်စပ်စစ်ဆေးချက်များအရ မြိတ်မြို့ မြိတ်တောင်ရပ်ကွက်နေ ဆေးပြားများသယ်ဆောင်ခိုင်းသူ အောင်မျိုးလွင် (၄၂) နှစ်ကို ထပ်မံဖမ်းဆီးခဲ့ပြီး အဆိုပါ ဆေးပြားများကို ပုလောမြို့နေထိုင်သည့် ကျော်စွာစိုး (ဖမ်းဆီးရန်ကျန်ရှိ) က မြိတ်မြို့ အဝေးပြေးကားဝင်းအဟောင်းသို့ လာရောက်ပို့ဆောင်ရောင်းချခြင်းဖြစ်ကြောင်း သိရသည်။ ထိုကြောင့် ဖမ်းဆီးရန်ကျန်ရှိနေသည့် ကွင်းဆက်ပြစ်မှုကျုးလွန်သူများကို ဖမ်းဆီးနိုင်ရန် စစ်ဆေးဖော်ထုတ်လျက်ရှိကြောင်း သိရသည်။