မြရည်နန္ဒနိုင်ငံ့ဝန်ထမ်းအဌားအိမ်ယာတွင် အိမ် ခန်းငှားရမ်းခအဖြစ် တစ်လလျှင် အရာထမ်းများမှာ ငွေကျပ် ၁၃၈၀၀၊ အမှုထမ်းများမှာ ငွေကျပ် ၅၄၀၀ စီကျသင့်မည်

မြရည်နန္ဒနိုင်ငံ့ဝန်ထမ်းအဌားအိမ်ယာတွင် အိမ် ခန်းငှားရမ်းခအဖြစ် တစ်လလျှင် အရာထမ်းများမှာ ငွေကျပ် ၁၃၈၀၀၊ အမှုထမ်းများမှာ ငွေကျပ် ၅၄၀၀ စီကျသင့်မည်

နိုင်ငံ့ဝန်ထမ်းများ တာဝန်ထမ်းဆောင်စဥ်နှင့်အ ငြိမ်းစားယူသည့်အခါတွင် နေထိုင်ရေးအဆင်ပြေစေရန် ရည်ရွယ်၍ နေပြည်တော်၊ရန်ကုန်၊မန္တလေး အပါအဝင် တိုင်းနှင့်ပြည်နယ်များ၌ အဌားအိမ်ယာနှင့်ဝန်ထမ်းအိမ်ယာများအား တည်ဆောက်လျက်ရှိသည်။

ထိုသို့ တည်ဆောက်ပြီးနောက် မြရည်နန္ဒာနိုင်ငံ့ဝန် ထမ်းအဌားအိမ်ယာ၌ နေထိုင်ခွင့်ရရှိသူများသည် အိမ်ဌားရမ်းခအဖြစ် တစ်လလျှင် အရာထမ်းများမှာ ငွေကျပ် ၁၃၈၀၀၊ အမှုထမ်းများမှာ ငွေကျပ် ၅၄၀၀ စီကျသင့်မည်ဖြစ်ကြောင်း နိုင်ငံ့ဝန်ထမ်းအငှားအိမ်ရာစီမံကိန်းတည်ဆောက်ရေးဦးစီးကော်မတီ၏ လုပ်ငန်းညှိနှိုင်းအစည်းအဝေးမှ သိရသည်။

မြရည်နန္ဒာနိုင်ငံ့ဝန်ထမ်းအဌားအိမ်ယာအား ဒဂုံမြို့သစ်(ဆိပ်ကမ်း)မြို့နယ်၊မြနန္ဒာလမ်းရှိ မြေ ၇ ဒသမ ၂၅ ဧကပေါ်တွင် တည်ဆောက်ထားကာ ၈ ခန်းတွဲ ၅ ထပ်အဆောက်အဦး ၁၄ လုံးရှိပြီး အ ခန်းတစ်ခန်းလျှင် ၄၃၆ စတုရန်းပေ အကျယ်အ ဝန်းရှိသည့် အိမ်ခန်းပေါင်း ၄၇၆ ခန်းရှိကြောင်း သိရသည်။

“အခန်းတွေကို ရန်ကုန်တိုင်းအစိုးရအစီအစဥ်နဲ့ တာဝန်ထမ်းဆောင်ဆဲ ဝန်ထမ်းတွေကို မဲနှိုက်ပြီးနေရာချထားပေးပြီးပါပြီ အိမ်ဌားခတွေကိုလည်း သတ်မှတ်ထားပြီးပါပြီ”ဟု ရန်ကုန်မြို့တော်ဝန်ဦးဗိုလ်ဌေးကပြောသည်။

နိုင်ငံ့ဝန်ထမ်းအငှားအိမ်ယာများအား ၂၀၂၀- ၂၀၂၁ ဘဏ္ဍာနှစ်အထိ မြို့ပြနှင့်အိမ်ရာဖွံ့ဖြိုးရေးဦးစီးဌာနမှတာဝန်ယူဆောက်လုပ်ခဲ့ပြီး ဝန်ထမ်းအိမ်ရာအခန်းပေါင်း ၁၉၈၂၅ ခန်း၊တိုင်းနှင့်ပြည် နယ်များရှိဌာနများမှ ဆောက်လုပ်ပြီးဝန်ထမ်းအိမ်ရာအခန်းပေါင်း ၁၂၄၁၈၁ ခန်း (စုစုပေါင်း ၁၄၄၀၀၆ ခန်း)ရှိပြီဖြစ်ကြောင်း သိရသည်။

ထိုသို့ ဆောက်လုပ်ပြီးစီးထားသော်လည်း နိုင်ငံ့တာဝန်ထမ်းဆောင်ဆဲ ဝန်ထမ်းဦးရေအရ အိမ် ခန်းပေါင်း ၃ သိန်းကျော်အား ထပ်မံနေရာချထားပေးရန်လိုအပ်လျက်ရှိကြောင်း လုပ်ငန်းညှိနှိုင်းအစည်းအဝေးမှ သိရသည်။

ထို့ကြောင့် တိုင်းနှင့်ပြည်နယ်များရှိ နိုင်ငံ့ဝန်ထမ်းအငှားအိမ်ယာတည်ဆောက်ရေးလုပ်ငန်းကော်မ တီများမှ အငှားအိမ်ရာများဆောက်လုပ်ရန်အ တွက် မြေနေရာရရှိရန်ဆောင်ရွက်ခြင်း၊ဦးစီးကော် မတီခွင့်ပြုချက်အရ အိမ်ယာများဆောက်လုပ်ခြင်း၊အချိန်မီပြီးစီးရေးနှင့်အရည်အသွေးစံချိန်စံ ညွှန်းပြည့်မီရေး ကြပ်မတ်စစ်ဆေးခြင်း၊ဝန်ထမ်းများအား စီစစ်ခွင့်ပြုခြင်းနှင့်သက်သာသည့် နှုန်း ထားဖြင့် ငှားရမ်းနေထိုင်နိုင်ရန်ဆောင်ရွက်ပေးခြင်း၊လိုအပ်သည့် Infrastructure များအဆင်ပြေစေရန် ဆက်စပ်ဌာနများနှင့်ပေါင်းစပ်ညှိနှိုင်းခြင်းတို့အား ဆောင်ရွက်လျက်ရှိကြောင်း သိရသည်။