အနာဂတ်မြန်မာ့လက်ရွေးစင် အသင်းအတွက် အားထားရမည့် မျိုးဆက်သစ် လူငယ်များ ရှာဖွေဖော်ထုတ်ရန် ရည်ညရွယ်၍ မြန်မာ့လက်ရွေးစင် ယူ-၁၆ အသင်းအတွက် ကစားသမား(၄၀)ဦးကို အပြီးသတ်ရွေးချယ်ပြီးစီးပြီဖြစ်ကြောင်း အဖွဲ့ချုပ်က ယနေ့တွင် ထုတ်ပြန်သည်။
အဆိုပါ လူငယ်ကစားသမားများကို ရန်ကုန်၊ မန္တလေး၊ နေပြည်တော်၊ တောင်ကြီး၊ ပုသိမ်နှင့် မော်လမြိုင်စသည့် တိုင်းနှင့်ပြည်နယ်မြို့များတွင် အခြေပြု၍ ကနဦး လူရွေးချယ်ပွဲများ ပြုလုပ်ခဲ့ခြင်းဖြစ်သည်။
ယင်းလူ ရွေးချယ်ပွဲများသို့ တိုင်းနှင့်ပြည်နယ်များမှ (၁၄၅ ၀) ဦး၊ ဘောလုံး အကယ်ဒမီများနှင့် ISPE မှ (၅၅) ဦး၊ စုစု ပေါင်း (၁၅၀၅) ဦးတို့လာရောက် ရွေးချယ်ခံခဲ့ကြသည့်အနက် (၄၀)ဦးအား အပြီးသတ်ခေါ်ယူခဲ့ခြင်းလည်းဖြစ်သည်။
ယခု ထုတ်ပြန်လိုက်သော အပြီးသတ် လူစာရင်းတွင် တိုက် စစ်ကစားသမား (၁၀) ဦးပါဝင်လာသလို ကွင်းလယ်ကစား သ မား (၁၃) ဦး၊ နောက်တန်းကစားသမား (၁၂) ဦးနှင့် ဂိုးသမား (၅)ဦးတို့ ပါဝင်ကြောင်း အသိပေးထားသည်။
ရွေးချယ်ခံရသူများတွင် NFA (National Football Acad emy/ Yangon) နှင့် MFA (Myanmar Football Academy/Mand alay အကယ်ဒမီများမှ လူငယ်များသာမက တိုင်းနှင့်ပြည်နယ်များမှ ထူးချွန်ထက်မြက်သည့် လူငယ်များပါဝင်ကြောင်း သိရသည်။
မြန်မာနိုင်ငံဘောလုံးအဖွဲ့ချုပ်အနေဖြင့် ယခုရွေးချယ်ခံရသ ည့် မျိုးဆက်သစ် ကစားသမားများကို နိုင်ငံတကာပြိုင်ပွဲများတွင် ယှဉ်ပြိုင်နိုင်စွမ်းရှိစေရန် စနစ်တကျ လေ့ကျင့်ပျိုးထောင်ပေးသွားမည်ဖြစ်ကြောင်း သိရသည်။