စင်္ကာပူနိုင်ငံမြို့ပြကာကွယ်ရေးတပ်ဖွဲ့(SCDF)မှ နိုဝင် ဘာ ၁၉ ရက်မှ နိုဝင်ဘာ ၂၁ ရက်အထိ Cingapore Expo တွင်ကျင်းပသည့် နိုင်ငံတကာအဆင့် Singapore Global Firefighters and Paramedics Challenge (SGFPC) 2025 ပြိုင်ပွဲတွင် မြန်မာမီးသတ်အဖွဲ့သည် Brave Heart အဖွဲ့လိုက်လက်ဆင့်ကမ်းပြိုင်ပွဲ၌ ပထမဆုရရှိခဲ့ကြောင်း သိရသည်။
ထို့ပြင် နိုင်ငံတကာအဆင့် Rip-It-Off ပြိုင်ပွဲတွင်လည်း မြန်မာနိုင်ငံကိုယ်စားပြု မြန်မာမီးသတ်အဖွဲ့အပါအဝင် နိုင်ငံပေါင်း(၁၆)နိုင်ငံမှ အသင်း(၂၀)သင်းယှဥ်ပြိုင်ခဲ့ရာ မြန်မာမီူသတ်အဖွဲ့မှ စံချိန် ၈ မိနစ်၊ ၁၄ စက္ကန့်ဖြင့် တတိယဆုရရှိခဲ့ကြောင်း သိရသည်။
ပြိုင်ပွဲသို့ မြန်မာနိုင်ငံကိုယ်စားပြု မြန်မာနိုင်ငံမီးသတ်တပ်ဖွဲ့မှ ပြည်ထဲရေးဝန်ကြီးဌာန၊ မီးသတ်ဦးစီးဌာန ညွှန် ကြားရေးမှူးချုပ်ဦးမြတ်သူဦးဆောင်သော မြန်မာနိုင်ငံမီးသတ်တပ်ဖွဲ့ရှာဖွေကယ်ဆယ်ရေးတပ်ဖွဲ့ဝင်များသွား ရောက်ယှဉ်ပြိုင်ခဲ့ကြကြောင်း သိရသည်။
အဆိုပါ ပြိုင်ပွဲ၌ မြန်မာနိုင်ငံအပါအဝင် အိမ်ရှင် စင်္ကာပူ၊ UAE ၊ လူဇင်ဘတ်၊ တရုတ်၊ ဩစ တြေးလျ၊ ကာတာ ၊ မွန်ဂိုဒီးယား၊ ဟောင်ကောင်၊ ဘင်္ဂလားဒေ့ရှ်၊ ဗီယက် နမ်၊ ဖိလစ်ပိုင်၊ အင်ဒိုနီးရှား၊ မလေးရှား၊ ထိုင်း၊ ဘရုနိုင်းနိုင်ငံတို့ပါဝင်ယှဥ်ပြိုင်ခဲ့ကြကြောင်း သိရသည်။