မြန်မာနိုင်ငံတော် ယာယီသမ္မတနှင့် ဘယ်လာရုစ်နိုင်ငံသမ္မတတို့ နှစ်နိုင်ငံအကျိုးအတွက် နားလည်မှုစာချွန်လွှာများလက်မှတ်ရေးထိုး

မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်နှင့် ဘယ်လာရုစ်နိုင်ငံသမ္မတ Η.Ε. Mr. Aleksandr LUKASHENKO တို့သည် ယနေ့ နိုဝင်ဘာ ၂၈ ရက်နံနက်ပိုင်းက သံမ္မတအိမ်တော်ရှိ အစည်းအဝေးခန်းမ၌ နှစ်နိုင်ငံအကျိုးတူပူးပေါင်းဆောင်ရွက်ရေးကိစ္စများအတွက် တွေ့ဆုံဆွေးနွေးခဲ့ကြသည်။

ဆွေးနွေးပွဲအပြီးတွင် ယာယီသမ္မတ ဗိုလ်ချုပ်မှူးကြီးမင်းအောင်လှိုင်နှင့် ဘယ်လာရုစ်နိုင်ငံသမ္မတ Η.Ε. Mr. Aleksandr LUKASHENKO တို့ ရှေ့မှောက်၌ နှစ်နိုင်ငံတာဝန်ရှိသူများက နားလည်မှုစာချွန်လွှာ လက်မှတ်ရေးထိုးခြင်းနှင့် နားလည်မှုစာချွန်လွှာလဲလှယ်ခြင်းများ ဆောင်ရွက်ခဲ့ကြသည်။

နားလည်မှုစာချွန်လွှာ လက်မှတ်ရေးထိုးလဲလှယ်မှုများ ပြုလုပ်ပြီးချိန်၌ ကျင်းပသည့် သတင်းစာရှင်းလင်းပွဲသို့တက်ရောက်၍ နှစ်နိုင်ငံအတွက်အကျိုးဖြစ်ထွန်းစေမည့် ဆောင်ရွက်ချက်များကို ကြေညာပြီး မြန်မာနိုင်ငံတော် ယာယီသမ္မတနှင့် ဘယ်လာရုစ်နိုင်ငံသမ္မတတို့က မိန့်ခွန်းများပြောကြားခဲ့ကြသည်။