မြန်မာနိုင်ငံတော် ယာယီသမ္မတနှင့်အတူ လိုက်ပါသွားသည့် ပြည်ထောင်စုဝန်ကြီးများ မော်စကိုမြို၌ကျင်းပသည့် မျက်နှာစုံညီအစည်းအဝေးတက်ရောက်

ရုရှားနိုင်ငံသမ္မတ၏ ဖိတ်ကြားချက်အရ ရုရှားနိုင်ငံသို့ အလုပ်သဘောခရီးစဥ်ရောက်ရှိနေသည့် မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်နှင့်အတူ လိုက်ပါသွားခဲ့ကြသော ပြည်ထောင်စုဝန်ကြီးများသည် မော်စကိုမြိုရှိ VDNKh တွင် ယနေ့ စက်တင်ဘာ ၂၆ ရက်နေ့လည်ပိုင်းကကျင်းပသည့် မျက်နှာစုံညီအစည်းအဝေးကိုပါဝင်တက်ရောက်ခဲ့သည်။

အဆိုပါ မျက်နှာစုံညီအစည်းအဝေးအား “အရာအား လုံးက အက်တမ်ကနေစတင်တယ်”ဆိုသည့်ခေါင်းစဉ်ဖြင့် ရုရှားနိုင်ငံ အဏုမြူစွမ်းအင်ကော်ပိုရေးရှင်း (Rosatom)၏ ညွှန်ကြားရေးမှူးချုပ် မစ္စတာ အလက်ဆေ ယက်ဗ်ဂျီနီယေးဗစ် လီခါချော့ဗ်က ဦးဆောင်ကျင်းပခြင်းဖြစ်သည်။

လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီးဦးဉာဏ်ထွန်း၊ စွမ်းအင်ဝန်ကြီးဌာန ပြည်ထောင်စုဝန်ကြီးဦးကိုကိုလွင် ၊ ကျန်းမာရေးဝန်ကြီးဌာန ပြည်ထောင်စုဝန်ကြီးဒေါက်တာသက်ခိုင်ဝင်း နဲ့ UMFCCI ကိုယ်စား လှယ်အဖွဲဝင်များတက်ရောက်ခဲ့ကြပြီး ၎င်းတို့သည် ညနေပိုင်းတွင်လည်း ရုရှား-အာဆီယံ ဆွေးနွေးပွဲကို ပါဝင်တက်ရောက်ခဲ့ကြသည်။

ထို့နောက် Rosatom ညွှန်ကြားရေးမှူးချုပ်မှ တည်ခင်းဧည့်ခံသည့် ညစာစားပွဲကိုလည်း ပြည်ထောင်စုဝန်ကြီးများနှင့် UMFCCI ကိုယ်စားလှယ်အဖွဲဝင်များတက်ရောက်ခဲ့ကြသည်။