မြန်မာနိုင်ငံတွင် မကြာသေးခင်က လှုပ်ခတ်ခဲ့သော ရစ်ခ်တာစကေး ၇ ဒဿမ ၇ အဆင့်ရှိ ငလျင်ကြောင့် ထိခိုက်ခံစားခဲ့ရသူများကို ကူညီလှူဒါန်းကြရန် ထိုင်း-မြန်မာ စီးပွားရေးကောင်စီက အရေးပေါ် ပန်ကြားချက်တစ်ရပ် ထုတ်ပြန်လိုက်သည်။
“မြန်မာငလျင်ဒဏ် ခံစားခဲ့ရသူများအတွက် ရင်းနှီးချစ်ကြည် ဝေမျှ နှလုံးသား စီမံချက်” သည် ရောဂါ ကာကွယ်ဆေးများ၊ အခြေခံ ရှေးဦးသူနာပြု ကိရိယာများနှင့် အခြားအရေးကြီးသော ပစ္စည်းများအပါအဝင် အထူးသဖြင့် အရင်းအမြစ်များ ရောက်နိုင်ရန် အကန့်အသတ်ရှိနေသည့် ဝေးလံခေါင်သီသော ဒေသများသို့ မရှိမဖြစ်လိုအပ်သော ဆေးဝါးပစ္စည်းများ ထောက်ပံ့နိုင်ရေး အတွက် ရန်ပုံငွေရှာဖွေရန် ရည်ရွယ်သည်ဟု ဆိုသည်။
ထိုင်းနိုင်ငံ နယ်စပ်ဒေသများတွင်ပါ ခံစားခဲ့ရသည် မတ်လ ၂၈ ရက်ေန့က မြန်မာ နိုင်ငံတွင် လှုပ်ခတ်ခဲ့သော အင်အားပြင်းထန်ေသာငလျင်ကြောင့် ပြင်းထန်သည့် ထိခိုက်မှုများကြုံခဲ့ရအပြီးတွင် ထိုင်း-မြန်မာ စီးပွားရေးကောင်စီ ဥက္ကဌ Krit Ungwitoonsatit က အဆိုပါ စီမံချက်ကို ကြေညာခဲ့ခြင်းဖြစ်သည်။
ကောင်စီ၏ ဦးစားပေးရည်ရွယ်ချက်သည် ငလျင်ဘေးကျရောက်ပြီးနောက်တွင် ဖြစ်နိုင်ခြေရှိသော ရောဂါဘယများ ဖြစ်ပွားမှုကို ကာကွယ်ရန်နှင့် ချက်ချင်း သက်သာရာရစေရန်ဖြစ်သည်ဟု ဆိုသည်။
ရရှိသော အလှူငွေများကို မေးခိုင်၊ သွေးလွန်တုပ်ကွေးနှင့် ကာလဝမ်းရောဂါ ကဲ့သို့သော ရောဂါများကို ကာကွယ်ရန် ကာကွယ်ဆေးများ၊ ထိခိုက်ဒဏ်ရာများကို ချက်ချင်းကုသရန် အခြေခံ ရှေးဦးသူနာပြု ကိရိယာများနှင့် လိုအပ်သော ဆေးဘက်ဆိုင်ရာ အထောက်အပံ့များအတွက် အထူးအားဖြင့် အသုံးပြုသွားမည်ဖြစ်သည်။
ပါဝင်လှူဒါန်းလိုသော အများပြည်သူများအနေဖြင့် အောက်ပါ ဘဏ်စာရင်းများသို့ လှူဒါန်းနိုင်ကြောင်း သိရသည်။
- ငွေစာရင်းအမည်- ထိုင်း-မြန်မာ စီးပွားရေးကောင်စီအတွက် ကူးသန်းရောင်းဝယ်ရေး၊ စက်မှုနှင့် ဘဏ်လုပ်ငန်းဖောင်ဒေးရှင်း ပူးတွဲ အမြဲတမ်းကော်မီတီ
-ငွေစုစာရင်းအမှတ်- ၀၉၂-၂-၃၁၃၉၀-၃၊ TMB Thanachart Bank Public Company Limited၊ The Old Siam Shooping Plaza Branch။
အလှူငွေများကို ၂၀၂၅ ခုနှစ် ဧပြီလ ၂၄ ရက် နေ့ ကို နောက်ဆုံးထား လက်ခံသွားမည်ဖြစ်ကြောင်း သိရသည်။
အသေးစိတ်အချက်အလက်များ ကို ဆက်သွယ်မေးမြန်းလိုပါက ထိုင်းစက်မှုလုပ်ငန်းအသင်းချုပ်ရှိ ထိုင်း-မြန်မာ စီးပွားရေးကောင်စီ၏ ကုန်သွယ်မှုနှင့် ရင်းနှီးမြှုပ်နှံမှုဌာနခွဲသို့ ဆက်သွယ်မေးမြန်းနိုင်သည်ဟု ဆိုသည်။
အီးမေးလ်[email protected]
တယ်လီဖုန်း-၀၂-၃၄၅-၁၀၉၄ ဟု ဖော်ပြထားသည်။
မြန်မာငလျင်ကိုလှူဒါန်းကြရန်ထိုင်း-မြန်မာစီးပွားရေးကောင်စီပန်ကြား
