စစ်ကိုင်းတိုင်းဒေသကြီး၊ မုံရွာမြို့တွင်၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲအတွက် ပြည်ပမှ ပေးပို့လာသော ကြိုတင်မဲများကို ဒီဇင်ဘာလ ၂၅ ရက် နံနက်ပိုင်းက စစ်ကိုင်းတိုင်းဒေသကြီး ရွေးကောက်ပွကော်မရှင်အဖွဲ့ခွဲရုံးတွင် ဖွင့်ဖောက်ခဲ့သည်။
ထိုသို့ဖွင့်ဖောက်ရာသို့ ပြည်ထောင်စုရွေးကောက်ပွဲကော်မ ရှင် အဖွဲ့ဝင် (စစ်ကိုင်းတိုင်းဒေသကြီး တာဝန်ခံ)ဦးမြင့်သိန်းနှင့် တိုင်းဒေသကြီးရွေးကောက်ပွဲကော်မရှင် အဖွဲ့ဝင်များ၊ ပါတီကိုယ်စားပြုကိုယ်စားလှယ်များ တက်ရောက်ခဲ့သည်။
ပြည်ထောင်စုရွေးကောက်ပွဲကော်မရှင် အဖွဲ့ဝင်(စစ်ကိုင်းတို င်းဒေသကြီး တာဝန်ခံ) ဦးမြင့်သိန်းက “မကြာမီ ကျင်းပတော့မယ့် ပါတီစုံဒီမိုကရေစီအထွေထွေရွေးကောက်ပွဲကြီး အတွက် ပြည်ပကိုရောက်ရှိနေတဲ့ မဲပေးပိုင်ခွင့်ရှိသူ မြန် မာနိုင်ငံသားများအနေနဲ့ မဲပေးပိုင်ခွင့် မဆုံးရှုံးစေဖို့အတွက် ကြိုတင်မဲတွေကို သံရုံးတွေကတဆင့် ပေးပို့ခဲ့ပါတယ်။ဆန္ဒမဲပေးပိုင်ခွင့်ရှိသူများက ဆန္ဒပြုထားတဲ့ ကြိုတင်မဲတွေကို မြန်မာနိုင်ငံ ပြန်လည်ပေးပို့လာပါတယ်။ ပေးပို့လာတဲ့ ကြို တင်မဲတွေကို စစ်ကိုင်းတိုင်းဒေသကြီးရွေးကောက်ပွဲ ကော် မရှင်အဖွဲ့ခွဲ အဖွဲ့ဝင်များ၊ ပါတီကိုယ်စားလှယ်များရှေ့မှာ ဖွင့်ဖောက် ရေတွက်ကြမှာဖြစ်ပါတယ်”ဟု ရှင်းလင်းပြောကြား သည်။
စစ်ကိုင်းတိုင်းဒေသကြီး ရွေးကောက်ပွဲကော်မရှင်အဖွဲ့ ခွဲမှ အတွင်းရေးမှူး ဦးကိုကိုဦးက ပယ်မဲဖြစ်ရသည့် အခြေအနေများကို ရှင်းလင်းပြောကြားပြီး ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီးလွှတ်တော်ဆိုင်ရာ ကြိုတင်ဆန္ဒမဲလက်မှတ်များကို ပါတီကိုယ်စားလှယ်များရှေ့တွင် ပွင့်လင်းမြင်သာစွာ ဖွင့်ဖောက်ရေတွက်ခဲ့ကြကြောင်း သိရသည်။