ပြည်သူအများဆုံး အသုံးပြုသည့် လမ်းများပေါ်ရှိ မီးပွိုင့်နေ ရာများအား ဆိုလာစနစ် ဦးစားပေးတပ်ဆင်ရန် ရန်ကုန် တိုင်းဒေသကြီး ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီဥက္ကဋ္ဌ တိုင်းဒေသကြီး ဝန်ကြီးချုပ် ဦးစိုးသိန်း ကပြောသည်။
မေလ (၃) ရက်တွင် ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီနှင့် ဆပ်ကော်မတီ (၄) ခုတို့၏ ညှိနှိုင်းအစည်းအဝေးတွင် ပြောကြားခဲ့ခြင်းဖြစ်သ ည်။
YBS ယာဉ်လိုင်းများအားလုံး CCTV နှင့် Telematics စနစ်များ မဖြစ်မနေတပ်ဆင်ရန်၊ YBS ယာဉ်များ ကြံ့ခိုင်မှုရှိရေး စစ်ဆေးကြရန်၊ ပြည်သူအများဆုံး အသုံးပြုသည့် မီးပွိုင့်နေရာများအား ဆိုလာစနစ် ဦးစားပေးတပ်ဆင်ရန်၊လမ်းညွှန် အမှတ်အသားများ၊ အချက်ပြစနစ်များ၊ ဆိုင်းဘုတ်များ ဆောင်ရွက်ကြရန် ဝန်ကြီးချုပ်က မှာကြားခဲ့သည်။
ကုန်လမ်းပို့ဆောင်ရေး ညွှန်ကြားမှုဦးစီးဌာနအနေဖြင့် ယာဉ် မောင်းများအား အမှန်တကယ် ကျွမ်းကျင်စွာမောင်းနိုင်မှ ယာဉ်မောင်းလိုင်စင် ထုတ်ပေးရန်၊ တိုင်းဒေသကြီးအတွင်း ပြင်ပမြို့နယ်များရှိ ဆိုင်ကယ်များ၊ သုံးဘီးဆိုင်ကယ်များ ပညာပေးကာလ ကျော်လွန်လာပြီဖြစ်၍ ယာဉ်စည်းကမ်း၊ လမ်းစည်းကမ်း စနစ်တကျရှိစေရေး ဆောင်ရွက်ရန်လည်း ၎င်းက ပြောကြားသည်။
ထို့ပြင် လူကူးခုံးကျော်တံတားများအား အသုံးပြုရေး အသိ ပညာပေးခြင်း ဆောင်ရွက်ရန်၊ ယာဉ်အန္တရာယ်၊ လမ်းအန္တ ရာယ် ကင်းရှင်းရေးနှင့် လူသေပျောက်မှုမရှိရေး ဝိုင်းဝန်းစဉ်းစားပြီး ဆောင်ရွက်ကြရန် ဝန်ကြီးချုပ်က ဆိုသည်။
ထို့နောက် စီမံခန့်ခွဲရေးဆပ်ကော်မတီ၊ ပညာပေးရေးနှင့် စစ် ဆေးအရေးယူရေး ဆပ်ကော်မတီ၊ သုတေသနပြုရေးနှင့် ကျန်းမာရေးဆပ်ကော်မတီ၊ ဘဏ္ဍာရေးဆပ်ကော်မတီတို့၏ ဥက္ကဋ္ဌများက ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ် ကင်းရှင်းရေးအတွက် လုပ်ငန်းကဏ္ဍများအလိုက် ရှင်းလင်းဆွေးနွေး တင်ပြခဲ့ကြသည်။