ယခုနှစ် မိုးရာသီအတွင်း မိုးစပါး ဧက (၁၅) သန်းကျော် စိုက်ပျိုးရန် လျာထားဆောင်ရွက်နေကြောင်း စိုက်ပျိုးရေးဦးစီးဌာနထံမှ သိရသည်။
ထိုသို့လျာထား ဆောင်ရွက်နေသော်လည်း အချို့သော ဒေသများတွင် မိုးများမှုကြောင့် နေရာကွက်မိုးကြီးမှုများကြုံကာ လိုအပ်သည်ထက်ပိုသည့် စိုက်ပျိုးရေများကြောင့် စပါးခင်းများ ရေကြီးနစ်မြုပ်မှုများဖြစ်မည်ကိုလည်း စိုက်ပျိုးသူများက စိုးရိမ်နေကြသည်။
“ရေများရင် အမြစ်ပုပ်ပြီး အပင်ေ-သတော့ အဆင်မပြေဘူး၊ အထွက်နှုန်းကျဆင်းပြန်ရင်လည်း မလွယ်ပါဘူး၊ ဒီနှစ် စိုက်ပျိုးရေးက ရင်တထိတ်ထိတ်နဲ့ လုပ်နေရတယ်” ဟု တောင်သူတစ်ဦးက ဆိုသည်။
ထို့ပြင် စိုက်ပျိုးရေးလုပ်ငန်း၌ လုပ်သားရှားပါးမှု ပြသနာကိုလည်း ရင်ဆိုင်နေရပြီး ရိတ်သိမ်းချိန်အတွက်ပါ တွေး၍ ချင့်ချိန်နေရကြောင်း ဖျာပုံမြို့နယ်ရှိ စပါးစိုက်တောင်သူတစ်ဦးကလည်း ပြောသည်။
လက်ရှိတွင် စိုက်ပျိုးရေးဦးစီးဌာနက ဆန်စပါးစိုက်ပျိုးမှုနှင့် ရိတ်သိမ်းမှုနည်းပညာ လေ့ကျင့်မှုများကို တိုင်းဒေသကြီးများနှင့် ပြည်နယ်များအလိုက် ပံ့ပိုးဆောင်ရွက်ရန် စီစဉ်ထားကာ လုပ်ဆောင်ပေးနေကြောင်း သိရသည်။
ပြီးခဲ့သည့် ၂၀၂၃ ခုနှစ်တွင် မိုးစပါးစိုက်ပျိုးရန် ဧက ၁၄ ဒသမ ၉၉ သန်း လျာထားကာ လျာထားချက်ထက်ပို၍ စိုက်ပျိုးနိုင်ခဲ့ကြောင်း စိုက်ပျိုးရေးဦးစီးဌာနက ထုတ်ပြန်ထားသော အချက်အလက်များအရ သိထားရသည်။