မလေးရှားနိုင်ငံ၊ ကလင်တန်းပြည်နယ်ရှိ ကားလမ်းပေါ်၌ တာဝန်ရှိသူများမှ ဒီဇင်ဘာ ၇ ရက်ညပိုင်းက စစ်ဆေးမှုများပြုလုပ်စဥ် မောင်းနှင်ထွက်ပြေးသည့်ကားအား မလေးရှားရဲတပ်ဖွဲ့မှကားဖြင့်တိုက်၍ ဖမ်းဆီးခဲ့ခြင်းဖြစ်ကြောင်း သိရသည်။
ယင်းနေ့ည ၆ နာရီကျော်ခန့်က ကလင်တန်းပြည် နယ်ရှိ ကားလမ်းမပေါ်တွင် တာဝန်ရှိသူများက ဖြတ်သန်းသွားလာနေသည့်ကားများအား တားဆီးစစ်ဆေးခဲ့ကြသည်။
ထိုသို့ စစ်ဆေးစဥ် ကားတစ်စီးမှလာရာလမ်းအ တိုင်းပြန်ကွေ့၍ မောင်းနှင်ထွက်ပြေးသွားသဖြင့် တာဝန်ရှိသူများက ကားဖြင့်လိုက်လံ၍ရပ်တန့်ရန်စေခိုင်းရာ ရပ်တန့်ခြင်းမရှိသဖြင့် ကားချင်းတိုက်ကာဖမ်းဆီးခဲ့ကြကြောင်း သိရသည်။
ထို့နောက် တာဝန်ရှိသူများကစစ်ဆေးရာ ကားပေါ်၌ မလေးရှားနိုင်ငံသို့တရားမဝင်ဝင်ရောက် လာသည့် မြန်မာနိုင်ငံသား အမျိုးသား ၃ ဦးနှင့်အမျိုးသမီး ၂ ဦးတို့အား ဖမ်းဆီးရမိခဲ့ကြောင်း သိရသည်။
ထို့ပြင် ကားမောင်းသူမလေးရှားနိုင်ငံသားအား စစ်ဆေးရာ မူးယစ်ဆေးဝါးသုံးစွဲထားပြီး မြန်မာ နိုင်ငံသားများအား တစ်ဦးလျင် ရင်းဂစ် ၂၅၀ စီဖြင့် ပါဟမ်းပြည်နယ်၊ဘင်တွန်းဒေသသို့ ပို့ဆောင်ရန်ထွက်ခွာလာခြင်းဖြစ်ကြောင်း ဖော်ထုတ်သိရှိခဲ့ရသည်။
ထို့ကြောင့် ဖမ်းဆီးရမိခဲ့သည့် မြန်မာနိုင်ငံသား ၅ ဦးနှင့်မလေးရှားနိုင်ငံသားကားမောင်းသူတို့အား မလေးရှားနိုင်ငံဥပဒေအရအရေးယူရန် သက် ဆိုင်ရာရဲစခန်းသို့ ပို့ဆောင်ခဲ့ကြကြောင်း သိရသည်။