မလေးရှားနိုင်ငံ MRR 2 အဝေးပြေးလမ်းမကြီးပေါ်ရှိ တံတားပေါ်မှခုန်ချခဲ့သည့် မြန်မာနိုင်ငံသား ချင်းမိသားစု ၃ ဦးသေဆုံးကာ ၃ နှစ်ကလေးငယ်ဒဏ်ရာရခဲ့
မလေးရှားနိုင်ငံရှိ တံတားပေါ်မှခုန်ချခဲ့သည့် မြန်မာနိုင်ငံသား ချင်းလူမျိုးမိသားစုဝင် ၄ ဦးအနက် ၃ ဦးသေဆုံးခဲ့ကာ အသက် ၃ နှစ်အရွယ်ကလေးငယ် ထိခိုက်ဒဏ်ရာများရရှိခဲ့ကြောင်း မြန်မာလူမှုကူညီရေးအသင်း(မလေးရှား)မှသိရသည်။
အဆိုပါ ချင်းလူမျိုးမိသားစုဝင် ၄ ဦးသည် သြဂုတ် ၂ ရက်နံနက်ပိုင်းက MRR2 အဝေးပြေးလမ်း မကြီးပေါ်မှ အမြင့်ပေ ၂၀ ခန့်ရှိသည့် တံတားပေါ်မှခုန်ချ၍ သေကြောင်းကြံစည်ခဲ့ကြခြင်းဖြစ် ကြောင်း သိရသည်။
ချင်းလူမျိုး ဖခင်ဖြစ်သည့် Cholei(၃၈)နှစ်သည် ကလေးငယ် ၂ ဦးအား တံတားပေါ်မှဦးစွာပစ်ချခဲ့ပြီးနောက် အခြားကလေးငယ် ၁ ဦးနှင့်အတူ ၎င်းပါထပ်မံ၍ ခုန်ချသွားခဲ့ခြင်းဖြစ်သည်။
ထို့သို့ ခုန်ချခဲ့မှုကြောင့် ဖခင်ဖြစ်သည့် Cholei (၃၈)နှစ်၊ သမီးဖြစ်သူ Vadetisoh(၈)နှစ်နှင့်သားဖြစ်သူ Vabiechose(၆)နှစ်တို့မှာ အခင်းဖြစ်နေ ရာ၌ သေဆုံးသွားခဲ့ပြီး သားဖြစ်သူ Shadrah Vabiechopha(၃)နှစ်မှာမူ သေဆုံးခြင်းမရှိခဲ့ဘဲ ထိ ခိုက်ဒဏ်ရာများရရှိခဲ့သဖြင့် Selayang ဆေးရုံတွင်ဆေးကုသမှုခံယူနေရကြောင်း သိရသည်။
အလားတူ သေဆုံးသွားသူများ၏ ရုပ်အလောင်းများကိုလည်း ကွာလာလမ်ပူဆေးရုံ၏ မှုခင်းဆေး ကုသရေးဌာနသို့ ပို့ဆောင်ထားကြောင်း သိရသည်။
ဖြစ်စဥ်အား မလေးရှားနိုင်ငံရဲတပ်ဖွဲ့မှ အမှုဖွင့်၍ စုံစမ်းစစ်ဆေးမှုများပြုလုပ်လျက်ရှိကြောင်း သိရသည်။
