မန္တလေးငလျင်ကြောင့် ထိခို-က်ပျ-က်စီးခဲ့ရသည့် ဝဏ္ဏသိဒ္ဓိဘောလုံးကွင်းနှင့် ရေကူးကန်တို့ သတ်မှတ်ချိန်တွင်းပြီးစီးရေး ပြည်ထောင်စုဝန်ကြီး ညွှန်ကြား

မန္တလေးငလျင်ကြောင့် ထိခို-က်ပျ-က်စီးခဲ့ရသည့် ဝဏ္ဏသိဒ္ဓိဘောလုံးကွင်းနှင့် ရေကူးကန်တို့ သတ်မှတ်ချိန်တွင်းပြီးစီးရေး မြန်မာနိုင်ငံအိုလံပစ်ကော်မတီ ဥက္ကဋ္ဌ၊ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်က ညွှန်ကြားခဲ့ကြောင်း သိရသည်။

ဝဏ္ဏသိဒ္ဓိဘောလုံးကွင်း အထူးတန်း ပွဲကြည့်စင် ပြန်လည်ပြုပြင်နေမှု အခြေအနေများ၊ VIP အခန်းမှန်များ တပ်ဆင်ထားမှုအခြေအနေ၊ ဘောလုံးကွင်း ဘေးပတ်လည် Synthe tic ပြေးလမ်းအခင်း ခွာထုတ်ပြီးစီးမှုအခြေအနေ၊ ဘောလုံးကွင်းအတွင်းရှိ မြက်ခင်းများ စိမ်းလန်းစိုပြေစေရေးအတွက် ရေဖျန်းစနစ်(Field Sprinkler)များကို ပေးပို့သည့် ရေတွန်း မော်တာစက်ခန်း ကောင်းမွန်စွာလည်ပတ်နေသည့် အခြေအနေ၊ ဘောလုံးကွင်းပတ်လည် ရေနှုတ်မြောင်း ပြုပြင်နေမှုအခြေအနေများကို ကြည့်‌ရှု့စစ်ဆေးခဲ့ကြောင်း သိရသည်။

ထို့ပြင် ဒိုင်လူကြီးများ နားနေခန်း၊ အား ကစားသမားများ အဝတ်လဲခန်းနှင့် Media ခန်းပြုပြင်နေမှုအခြေအနေများန အခန်းနံရံပလာစတာ ဖာထေးပြုပြင်ပြီးစီးမှုအခြေအနေများအား လိုက်လံကြည့် ရှုစစ်ဆေးခဲ့ပြီး အရည်အသွေးကောင်းမွန်စေရေး၊ သတ်မှတ်စံချိန်/စံညွှန်းပြည့်မီပြီး အချိန်မီ တည်ဆောက်ပြီးစီးစေရေးတို့အတွက် သက်ဆိုင်ရာကုမ္ပဏီမှ တာဝန်ရှိသူများအား ညွှန်ကြားခဲ့သည်။

ထို့ပြင် ဝဏ္ဏသိဒ္ဓိအားကစားကွင်းအ တွင်းရှိ မီတာ ၅၀ပြိုင်ပွဲသုံး ရေကူးကန်နှင့် ဒိုင်ဗင်ကန် အောက်ခံကြမ်းခင်းနှင့် ဘေးပတ်လည် ကြွေပြားအသစ် ပြန် လည်ပြုပြင်နေမှုအခြေအနေ၊ ရေကူးကန်များ ရေလဲလှယ်သည့် မြေအောက်စက်ခန်း ပြုပြင်နေမှုအခြေအနေနှင့် အပြင်ဘက်လေ့ကျင့်ရေးရေကူး ကန်တွင် နွေရာသီရေကူးသင်တန်း ဖွင့်လှစ်နိုင်ရေးကျောင်း ပိတ်ရက်အမီ ပြီးစီးနိုင်ရေး အထူးအလေးထားဆောင်ရွက်သွားရန်မှာကြားခဲ့ကြောင်း သိရသည်။

ပြုပြင်ဆောင်ရွက်ခြင်းနှင့်ပတ်သက်၍ လိုအပ်သည်များကို ညှိနှိုင်းဆောင်ရွက်ပေးသွားမည်ဖြစ်၍ သတ်မှတ်ကာလအတွင်းလုပ်ငန်းများ အချိန်မီ ပြီးစီးစေရေးအတွက် သက်ဆိုင်ရာ ကုမ္ပဏီမှ တာဝန်ရှိသူများအနေဖြင့် စနစ်တကျ စိစစ်ကြပ်မတ်ဆောင်ရွက်ပေးသွားရန် မှာကြားခဲ့ကြောင်း သိရသည်။