မြန်မာ့ ပထမဆုံး နိုင်ငံတကာအဆင့် ဘောလုံးပရိုလိုင်စင် နည်းပြသင်တန်း စတင်ဖွင့်လှစ်သွားမည်ဖြစ်ကြောင်း မြန် မာနိုင်ငံဘောလုံး အဖွဲ့ချုပ်ထံက သိရသည်။
အဆိုပါ သင်တန်းသည် မြန်မာ့ဘောလုံး အားကစားတိုးတက် မြင့်မားလာစေရန်နှင့် အရည်အချင်းပြည့်ဝသည့် နိုင်ငံ တကာအဆင့် ပရိုနည်းပြဆရာများ ပေါ်ထွက်လာစေရန်ရည်ရွယ်၍ ဖွင့်လှစ်ခြင်းဖြစ်ပြီး လာမည့် မတ်လ (၉) ရက်မှ (၁၇) ရက်အထိ သင်ကြားပို့ချသွားမည်ဖြစ်သည်ဟု ထုတ်ပြန်ထားသည်။
သင်တန်းသို့ AFC “A” လိုင်စင် (သို့မဟုတ်) AFC/MFF “A” အောင်လက်မှတ်ရရှိပြီးသူ၊ “A” လိုင်စင် အောင်မြင်ပြီး နည်းပြသက်တမ်း အနည်းဆုံး (၂) နှစ်နှင့်အထက် လုပ်ဆောင်နေသူ၊ Pro Diploma တက်ရောက်ရန် အရည်အချင်းပြည့်မီပြီး MFF နှင့် MNL တွင် ဦးဆောင်/ခေါင်းဆောင်သူတစ်ဦးအဖြစ် ပါဝင်ကူညီနိုင်သူ လက်ရှိမြန်မာ့လက်ရွေးစင်အသင်းများနှင့် MNL Club များတွင် တာဝန်ထမ်းဆောင်နေသူ၊ မှတ်ပုံတင်ထားသူဖြစ်ရမည်ဟု အသိပေးထားသည်။
သင်တန်းတပတ်စဉ်လျှင် သင်တန်းသား (၁၅) ဦးကိုသာ သင်ကြားပို့ချသွားမည့်ဖြစ်ပြီး သင်တန်းတက်ရောက်ရန် ရွေးချယ်ခြင်းခံရသူများသည် Module တစ်ခုတွင် သင်တန်းဝင်ကြေးအဖြစ် နိုင်ငံသားတစ်ဦးလျှင် အမေရိကန်ဒေါ်လာ USD 1000 နှင့် ညီမျှသည့် မြန်မာငွေကျပ်နှင့် Module (၅) ခုအတွက် (USD 5000)၊ နိုင်ငံခြားသားတစ်ဦးလျှင် အမေရိကန်ဒေါ်လာ (USD 3200) နှင့် Module (၅) ခုအတွက် (USD$16000) ကို ပေးသွင်းရမည်ဖြစ်ကြောင်း သိရသည်။
သင်တန်းတက်ရောက်လိုသူများအနေဖြင့် ယခုလ ဇန်နဝါရီ (၂၃) ရက် ညနေ (၄) နာရီ နောက်ဆုံးထား၍ မြန်မာနိုင်ငံဘောလုံးအဖွဲ့ချုပ်၊ နည်းပြပညာရေးဌာန (Email [email protected])သို့ ပေးပို့လျှောက်ထားနိုင်ကြောင်း သိရသည်။