မြတ်စွာဘုရားကို သက်ဝင် ယုံကြည်တဲ့ ဗုဒ္ဓဘာသာဝင် တစ်ယောက် အနေနဲ့ ဘယ်နေရာပဲ ရောက်ရောက်၊ ဘယ်လိုအကြောင်း ကိစ္စပဲရှိရှိ ရင်ထဲမှာ မြတ်စွာဘုရား ကိန်းဝပ်နေဖို့ လိုအပ်လှပါတယ်။ ပုထုဇဉ်လောကီ လူသား တို့အဖို့ နေ့စဉ်နဲ့အမျှ သွားလာ လှုပ်ရှားရင်း လောကဓံကြားမှာ မောပန်းမှုတွေ နဲ့ ရင်ဆိုင်တွေ့ရတဲ့အခါ တကယ့်ကို အေးချမ်းမှု၊ ငြိမ်းအေးမှုအစစ်အမှန် ကို ပေးစွမ်းနိုင် တာက ဘုရားရိပ်၊ တရားရိပ်၊ သံဃာရိပ်ပါ။ ဗုဒ္ဓ ဘာသာဝင် တစ်ယောက် အနေနဲ့ ကတော့ မနက်၊ ည ပုံမှန် ဘုရားရှိခိုး နိုင်ရင် ပိုကောင်းသလို အလုပ်တွေ တအား များနေလို့ ဘုရားမရှိခိုးနိုင် ရင်တောင် ရင်ထဲမှာ ဘုရား၊ တရား၊ သံဃာ အမြဲ ရှိနေသင့်ပြီး ငါးပါးသီလ ကတော့ လုံခြုံအောင် ဆောက်တည် သင့်လှပါတယ်။ အနုပညာရှင် တစ်ယောက် ဖြစ်တဲ့ ဟစ်ဟော့ပ် အဆိုတော် ဖြိုးလေးက သူရောက်တဲ့ နေရာတိုင်းမှာ ဘုရားသွား၊ ကျောင်း တက် လုပ်လေ့ရှိတာကို သူ့ရဲ့ လူမှုကွန်ရက် စာမျက်နှာ ထက်မှာ မကြာခဏ တွေ့ရလေ့ ရှိတာကြောင့် သူ့ကို ယုံကြည်ပွားများ ဘာသာ တရား ကဏ္ဍ အတွက် မေးမြန်းဖြစ်ခဲ့ ပါသေး တယ်။ သူက..
“ကျွန်တော် ကတော့ မနက် အိပ်ရာနိုးနိုးချင်းမှာ ကိုယ်တိုင် မရွတ် နိုင်ရင်တောင်မှ မေတ္တသုတ် နဲ့ပဋ္ဌာန်း ကို အမြဲတမ်းဖွင့်ဖြစ်တယ်။ ရွတ် တယ်။ ဘုရား ရှိခိုးတယ်။ နောက် တစ်ခုက ဘယ်မြို့ပဲ သွားသွား အဲဒီမြို့က ဘုရား ပုထိုးစေတီတွေကို ဖူးမြော်တယ်။ ရှိခိုးတယ်။ လှူဒါန်း ဖြစ်တယ်။ အဲဒီလို ဖူးမြော်ခွင့်ရတာ ကိုလည်း ပီတိဖြစ်တယ်။ ၂ဝ၁၆ ခုနှစ်ထဲမှာ ဆိုလည်း ကျိုက်ထီးရိုး ဘုရား သွားဖူးဖြစ်တာတွေ ရှိပါတယ်။ အလှူအတန်း ကတော့ ကြုံရင် ကြုံသလို လုပ်ဖြစ်ပါတယ်။ တကူး တကကြီး ဆိုရင်တော့ မွေးနေ့ တွေမှာ လှူဖြစ်တယ်။ ကျွန်တော့် စိတ်ထဲမှာ အလုပ်တွေ တအားများပြီး ပူလောင် လို့ရှိရင် ပုတီးလေး ဘာလေးစိပ်၊ တရားထိုင်၊ အဓိဋ္ဌာန် ဝင်တာမျိုးတော့ လုပ်ဖြစ်ပါတယ်” လို့ ဖြိုးလေးက ပြောပါတယ်။ ဆက်လက် ပြီး သူပြော တာက..
“ဘုရား၊ တရား၊ သံဃာကို ဆည်းကပ် ကိုးကွယ်တာက တခြား အရာတွေကို ခဏထားပါဦး။ ပူလောင်နေတာတွေက ဘုရား၊ တရား လုပ် တဲ့ အချိန်၊ ဘုရားရိပ်၊ တရားရိပ်ကို ခိုတဲ့အချိန်မှာ အရာ အားလုံး အေးချမ်းပါတယ်။ အဲဒီ တစ်ခုကတော့ ဘုရား၊ တရား ဆည်းကပ် သူတိုင်း ဖြစ်မှာပါ။ ကျွန်တော်တို့ ယုံကြည်လို့ ကိုးကွယ် ကြတာကိုး” လို့ သူ့ရဲ့အမြင်ကို ပြောပါတယ်။ ဗုဒ္ဓဘာသာဝင် တွေဆိုတာ အလှူရေစက် လက်နဲ့ မကွာ ဆိုသလို အလှူအတန်းမှာ ရက်ရက်ရောရော လှူဒါန်း တတ်ကြ တာ သဘာဝပါ။ ကောင်းတာ လုပ်ရင် ကောင်းကျိုးဖြစ်မယ် ဆိုတဲ့ ကံကံရဲ့ အကျိုးကို ယုံကြည် လက်ခံကြတာကိုး။ မကြာမီ ရောက်ရှိတော့မယ့် မွေးနေ့ အတွက် ဖြိုးလေးက အစီအစဉ် တစ်ခုကို စီစဉ်နေပါတယ်။
“အခု ၃ လပိုင်း ၂၁ ရက် နေ့ဆို ကျွန်တော့် မွေးနေ့ ရောက်တော့မှာပါ။ ခါတိုင်း မွေးနေ့တွေက လှူတော့လှူ ဖြစ်တယ်။ ဒါပေမဲ့ အပျော် အပါး ပါတီတွေပဲ ပိုများနေတယ်။ ဒီနှစ်မှာ တော့ သေသေချာချာ၊ ကောင်း ကောင်းမွန်မွန် နဲ့ အလှူ အတန်းကြီး လှူဖြစ်မှာပါ” လို့ ဖြိုးလေးက ပြောပြ ခဲ့ပါတယ်။
မျိုးမောင်