ဘုရားဖူးများအဆင်ပြေစေရေး ပါဒစေတီတော်၊အောက်ခြေတော်ရာမြတ်သို့သွားရောက်သည့် ယာယီချောင်းကူးတံတားအား ရေအမြင့်နှင့်လျော်ညီပြီး ဘုရားရင်ပြင်တော်ထက်မမြင့်သည့် ယာယီဘေလီသံတံတားတည်ဆောက်ရန် နစက ဥက္ကဋ္ဌမှာကြား

နစက ဥက္ကဋ္ဌ၊ ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီးသည် နိုဝင်ဘာ ၂၇ ရက်နံနက်ပိုင်းက မကွေးတိုင်း၊မင်းဘူးခရိုင်၊မင်းဘူး(စကု)မြို့နယ်ရှိ မန်းရွှေစက်တော်ရာဘုရားသို့ သွားရောက်ဖူးမြော်ကြည်ညိုစဥ် မှာကြားခဲ့ခြင်းဖြစ်သည်။

နစက ဥက္ကဋ္ဌနှင့်ဇနီးသည် မန်းရွှေစက်တော်ဘု ရား၊ပါဒစေတီတော်အောက်ခြေတော်ရာမြတ်အား ဖူးမြော်ကြည်ညို၍ ပန်းရေချမ်းနှင့်ရွှေသင်္ကန်းများကပ်လှူပူဇော်၍ ဘက်စုံအလှူငွေများပေးအပ်လှူဒါန်းရာ ဂေါပကအဖွဲ့ဥက္ကဋ္ဌနှင့်အဖွဲ့ဝင်များက လက်ခံရယူခဲ့ကြသည်။

ထို့နောက် နစက ဥက္ကဋ္ဌသည် ပါဒစေတီတော်အောက်ခြေတော်ရာမြတ်အား လာရောက်ဖူးမြော်ကြည်ညိုသည့် ဘုရားဖူးများအဆင်ပြေချောမွေ့စွာသွားလာနိုင်ရန် ပါဒစေတီတော်၊အောက်ခြေတော်ရာမြတ်သို့သွားရောက်သည့် ယာယီချောင်းကူးတံတားအား ရေအမြင့်နှင့်လျော်ညီပြီး ဘုရားရင်ပြင်တော်ထက်မမြင့်သည့် ယာယီဘေလီသံတံတားနှင့်စေတီတော်သွားလျှောက်လမ်းတစ်ခု တည်ဆောက်ရန်မှာကြားခဲ့သည်။

ထို့ပြင် ချောင်းရေအားသင့်တော်သည့် ရေအမြင့်ရှိစေရေး ရေထိန်းနံရံငယ်တစ်ခုတည်ဆောက်ရန်နှင့်ဘုရားပတ်ဝန်းကျင်သန့်ရှင်းသာယာလှပရေးနှင့်သာသနိကအဆောက်အဦးများ ရေရှည်တည် တံ့ခိုင်မြဲရေးအတွက် စနစ်တကျထိန်းသိမ်းဆောင်ရွက်ရန်လည်း မှာကြားခဲ့သည်။

ထို့နောက် နစက ဥက္ကဋ္ဌနှင့်ဇနီးသည် အထက်စက်တော်ရာရှိ ပထမရွှေစေတီတော်မြတ်အား ပန်းရေချမ်းနှင့်ရွှေသင်္ကန်းများကပ်လှူပူဇော်ပြီးနောက် စေတီတော်မြတ်ကြီးဘက်စုံပြုပြင်မွမ်းမံရန်အတွက် အလှူငွေများပေးအပ်လှူဒါန်းခဲ့ပြီး မန်းရွှေစက်တော်ဘုရားအတွင်း လှည့်လည်ကြည့်ရှု၍ ဘုရားကြီးအားရှေးမူမပြတ် ရေရှည်တည်တံ့အောင်ထိန်းသိမ်းဆောင်ရွက်ရန် မှာကြားခဲ့သည်။

မန်းရွှေစက်တော်ဘုရား၊ပါဒစေတီတော်၊အောက် ခြေတော်ရာမြတ်အား သဘာဝဘေးအန္တရာယ် ဒဏ်ခံနိုင်ရန်၊ရေရှည်တည်တံ့ခိုင်မြဲစေရန်နှင့်ဘု ရားဖူးလာသူများရာသီမရွေး လာရောက်ဖူးမြော်နိုင်ရန် ၂၀၁၄ ခုနှစ်၊ဇူလိုင် ၁၀ ရက်တွင် နစက ဥက္ကဋ္ဌကြီးမှူး၍ အမြင့် ၅ ပေ၊ အထူ ၃ လက်မ၊အ လေးချိန် ၃ တန်ရှိအလင်းပေါက်ဖန်အုပ်ဆောင်းလှူဒါန်းပူဇော်ခဲ့သည်။

ထို့အတူ နစက ဥက္ကဋ္ဌသည် ပွင့်ဖြူမြို့၊နယ်လယ်ကိုင်းကျေးရွာအုပ်စု၊သက်သာပန်းတောင်းကျေး ရွာ ရွာဦးဘုန်းတော်ကြီးကျောင်းတိုက်ရှိ စကြာပန်းတောင်းစေတီတော်မြတ်ကြီးအားဖူးမြော်ကြည်ညို၍ ဘက်စုံအလှူငွေများ လှူဒါန်းခဲ့သည်။

ထို့ပြင် လယ်ကိုင်းကျေးရွာရှိ ရွှေပြည်အေးဘုရား နှင့်ဓမ္မာရုံပြန်လည်ပြုပြင်မွမ်းမံထားရှိမှုအား ကြည့်ရှု၍ ကျေးရွာဖွံ့ဖြိုးတိုးတက်ရေးရန်ပုံငွေကျပ်သိန်း ၅၀ ကိုပေးအပ်ခဲ့သည်။

ထို့နောက် မင်းဘူးမြို့ရှိ ရှင်ပင်စက္ကိန်းတဲစေတီတော်အတွင်းရှိ ဗုဒ္ဓရုပ်ပွားတော်မြတ်အား ဖူးမြော်ကြည်ညိုကြည်ညိုကာ ပန်းရေချမ်းကပ်လှူပူဇော်ပြီး ဘက်စုံအလှူငွေများလှူဒါန်း၍ စေတီတော်ကြီးအား လက်ယာရစ်လှည့်လည်ဖူးမြော်ကြည်ညိုခဲ့သည်။

ညနေပိုင်းတွင်လည်း နစက ဥက္ကဋ္ဌနှင့်ဇနီးသည် မကွေးမြို့ရှိ မကွေးမြသလွန်စေတီတော်မြတ်ကြီးအား ဖူးမြော်ကြည်ညို၍ ပန်း၊ရေချမ်းကပ်လှူပူ ဇော်ကာ စေတီတော်မြတ်ကြီးအတွက် ဘက်စုံအလှူငွေများပေးအပ်လှူဒါန်းခဲ့သည်။