တရုတ်နိုင်ငံ၏ထိပ်တန်း ဉာဏ်ရည်တုလုပ်ငန်း ကုမ္ပဏီ ဘိုင်ဒူး သည် DeepSeek ၏ open-source မိုဒယ်များ၏ စွမ်းဆောင်ရည်ကိုမြှင့်တင်ရန်အတွက် ၎င်း၏ Kunlunxin ယူနစ်က ဒီဇိုင်းပုံထုတ်ထားသော တစ်ပိုင်းလျှပ်ကူးပစ္စည်းများအပါအဝင် တစ်ပိုင်းလျှပ်ကူးပစ္စည်းပေါင်းစပ်ထားသော ဘိုင်ဂဲ ၅.၀ Baige 5.0 ဉာဏ်ရည်တု AI အခြေခံအဆောက်အဦပလက်ဖောင်းကို ကြာသပတေးနေ့တွင် ထုတ်ဖော်ပြသခဲ့သည်။
ပေကျင်းအခြေစိုက် ဉာဏ်ရည်တု နှင့် အင်တာနက်ရှာဖွေရေးကုမ္ပဏီကြီး၏ အဆင့်မြှင့်ထားသော ပလပ်ဖောင်း သည် ပိုမိုမြန်ဆန်သော ကွန်ရက်ချိတ်ဆက်မှု၊ ကွန်ပြူတာစွမ်းအား တိုးမြှင့်မှုနှင့် မိုဒယ်လေ့ကျင့်ရေးနှင့် အကဲဖြတ်နိုင်စွမ်းတို့ကို ပေးစွမ်းနိုင်သည်ဟု ဘိုင်ဒူး ဉာဏ်ရည်တု
ကလောက်အဖွဲ့ ဥက္ကဋ္ဌလည်းဖြစ်သည့် အမှုဆောင်ဒုတိယဥက္ကဋ္ဌ ရှန်ဒို က ကြာသပတေးနေ့တွင် တရုတ်နိုင်ငံ မြို့တော်၌ ကျင်းပသည့် ကော်ပိုရိတ်ပွဲတစ်ခု၌ ပြောကြားခဲ့ပါသည်။
ရှန် ၏ အဆိုအရ အချက်အလက်ပေးပို့မှုကို အရှိန်မြှင့်ပြီး ဆက်သွယ်ရေးကြာချိန်ကို လျှော့ချပေးသည့် လိုက်လျောညီထွေဖြစ်ပြီး စမတ်အရင်းအမြစ်ခွဲဝေမှုနည်းပညာများဖြင့် ပံ့ပိုးထားသော ဘိုင်ဂဲ ၏ ကောက်ချက်ချသည့်စနစ်သည် DeepSeek ၏ အာ-၁ ကျိုးကြောင်းဆင်ခြင်မှုပုံစံ၏နိယာမစွမ်းဆောင်ရည်ကို ၅၀ ရာခိုင်နှုန်းခန့် မြှင့်တင်ပေးနိုင်ခဲ့ကြောင်း သိရသည်။ ကောက်ချက်ချခြင်း သည် လူသားများ၏မေးမြန်းချက်များကို တုံ့ပြန်ရန်အတွက် လေ့ကျင့်ထားသော ဉာဏ်ရည်တု မိုဒယ်လ်မှ ကောက်ချက်ဆွဲရန် အသုံးပြုသည့် လုပ်ငန်းစဉ်ဖြစ်သည်။
“ဆိုလိုတာက အချိန်နဲ့ ကုန်ကျစရိတ် အတူတူပါပဲ … မိုဒယ်ကို ၅၀ ရာခိုင်နှုန်း [ဒါမှမဟုတ်] ၅၀ ရာခိုင်နှုန်းထက် ပို ပြီး အလုပ်လုပ်နိုင်တယ်” ဟု ရှန် က ဆိုသည်။
ရာနှင့်ချီသော အပြန်အလှန်ချိတ်ဆက်နိုင်သော ဉာဏ်ရည်တုချစ်ပ်များကို ပံ့ပိုးပေးသည့် Kunlunxin Super Node သည် ဘိုင်ဂဲ ၅.၀ ပလပ်ဖောင်းပေါ်တွင် တိုက်ရိုက်ထုတ်လွှင့်ခဲ့ပြီး မိနစ်ပိုင်းအတွင်း ထရီလျံ နှင့်ချီသည့် ဉာဏ်ရည်တု စနစ်ကို ဖြန့်ကျက်လုပ်ဆောင်နိုင်စေခဲ့ကြောင်း ရှန် ကပြောကြားခဲ့သည်။
ဘိုင်ဒူး ယူနစ် Kunlunxin သည် ဟွာဝေးနည်းပညာ ၏ ဟိုင်စီလီကွန် နှင့် ကန်ဘရီကွန်နည်းပညာ များ ပါဝင်သော အမေရိက တစ်ပိုင်းလျှပ်ကူးပစ္စည်း နာဗီးဒီးယား နှင့် ပြည်မကြီး ပြိုင်ဘက်များနှင့် ယှဉ်ပြိုင်ရန်အတွက် ပေါင်းစပ်ဆားကစ်များကို ဒီဇိုင်းဆွဲသည်။
Kunluxin သည် နိုင်ငံပိုင် ဆက်သွယ်ရေးကွန်ရက်အော်ပရေတာ တရုတ်မိုဘိုင်း ၏ ဉာဏ်ရည်တု ပရောဂျက်များအတွက် ယွမ် ၁ ဘီလျံ (အမေရိကန်ဒေါ်လာ ၁၃၉ သန်း) ကျော်တန်ဖိုးရှိ ချစ်ပ်အမှာစာများ ရရှိခဲ့ကြောင်း Kunluxin က ပြီးခဲ့သည့် သီတင်းပတ်တွင် ပြောကြားခဲ့ကြောင်း ရိုက်တာသတင်းအရ သိရသည်။
ဘန်ဘရီကွန် သည် ၂၀၂၅ ခုနှစ် ပထမနှစ်ဝက်တွင် “စျေးကွက်ချဲ့ထွင်ခြင်းနှင့် ဉာဏ်ရည်တု အပလီကေးရှင်းများအကောင်အထည်ဖော်မှုကြောင့်၂၀၂၅ ခုနှစ် ပထမနှစ်ဝက်တွင် ဝင်ငွေတိုးလာကြောင်း အင်္ဂါနေ့တွင် အစီရင်ခံတင်ပြခဲ့သည်။
Ref: မိုင်နျူးစ်