ရန်ကုန်တိုင်း၊ ဗိုလ်တထောင်မြို့နယ်ရှိ ဗိုလ်တထောင်စေတီတော်မြတ်ကြီး၌ (၄၁)ကြိမ်မြောက် မသိုးရွှေကြာသင်္ကန်းယှဥ်ပြိုင်ရက်ခတ်ပြိုင်ပွဲအား ဗိုလ်တထောင်စေတီတော်မြတ်ကြီး၏ ဘဏ္ဍာတော်ထိန်းဂေါပကအဖွဲ့မှကြီးမှူးကျင်းပသွားမည်ဖြစ်သည်။
အဆိုပါ မသိုးရွှေကြာသင်္ကန်းယှဥ်ပြိုင်ရက်ခတ်ပြိုင်ပွဲကို လာမည့် နိုဝင်ဘာ ၃ ရက်နှင့် ၄ ရက်တို့တွင်ကျင်းပသွားမည်ဖြစ်ကာ ပထမဆုအား(၁၅)သိန်းကျပ်နှင့် ဆုတံဆိပ်များ၊ ဒုတိယဆုအား (၁၀)သိန်းကျပ်နှင့် ဆုတံဆိပ်များ၊ တတိယဆုအား (၈)သိန်းကျပ်နှင့် ဆုတံဆိပ်များ၊ နှစ်သိမ့်ဆုများအား (၄)သိန်းကျပ်စီနှင့် ဆုတံဆိပ်များကို ပေးအပ်ချီးမြှင့်သွားမည်ဖြစ်သည်။
ထို့ကြောင့် ပါဝင်ယှဉ်ပြိုင်လိုသူများအနေဖြင့် အသက် (၁၈)နှစ်မှ (၅၀)နှစ်အတွင်းရှိ ရက်ကန်းကျွမ်းကျင်သူ အမျိုးသမီးများသည် တစ်ဖွဲ့လျှင်(၂)ဦးနှုန်းဖြင့် အဖွဲ့လိုက် အောက်တိုဘာ ၂၃ ရက်နေ့လည် ၃ နာရီ မတိုင်မှီအထိ ဂေါပကအဖွဲ့ရုံးသို့ လျှောက်လွှာပေးပို့ရမည်ဖြစ် သည်။
ထိုသို့ မသိုးရွှေကြာသင်္ကန်းယှဥ်ပြိုင်ရက်ခတ်ပြီး၍ ရရှိလာသည့် မသိုးရွှေကြာသင်္ကန်းတော်များအား ဗိုလ်တထောင်စေတီတော်မြတ်ကြီးရှိ ဗုဒ္ဓရုပ်ပွားတော်မြတ်များအား ဆက်ကပ်ပူဇော်သွားမည်ဖြစ်သည်။