ဇန်နဝါရီ ၂
ထရမ့်ပ်အစိုးရသည် ဟောင်ကောင်နှင့် တရုတ်ပြည်မကြီးအခြေစိုက် ကုမ္ပဏီအချို့နှင့်အတူ ရေနံတင်သင်္ဘောများကို ကန့်သတ်ချက်များကို ရှောင်လွှဲရန်ကြိုးပမ်းသည်ဟု စွပ်စွဲ၍ ဒ-ဏ်ခတ်ပိ-တ်ဆို့မှုများ ပြုလုပ်ခြင်းဖြင့် ဗင်နီဇွဲလား၏ ရေနံတင်ပို့မှုအပေါ် ဖိအားပေးသည့် လှုပ်ရှားမှုကို အရှိန်မြှင့်လုပ်ဆောင်ခဲ့သည်။
အမေရိကန် ဘဏ္ဍာရေးဝန်ကြီးဌာန၏ နိုင်ငံခြားပိုင်ဆိုင်မှု ထိန်းချုပ်ရေးရုံး (အိုအက်ဖ်အေစီ) သည် ဗင်နီဇွဲလား၏ ရေနံလုပ်ငန်းနှင့် ဆက်နွှယ်နေသည့် ကုမ္ပဏီလေးခုဖြစ်သော ကျဲ့ကျန်း အခြေစိုက် ကိုးနီအိုလာ၊ ဟောင်ကောင်အခြေစိုက် အဲရီးစ် ကမ္ဘာလုံးဆိုင်ရာ ရင်းနှီးမြှုပ်နှံရေး ကုမ္ပဏီ၊ ကရိတ် မာတယ် ကုမ္ပဏီ နှင့် ဝင်းကီ အပြည်ပြည်ဆိုင်ရာ ကုမ္ပဏီတို့ကို အထူးသတ်မှတ်ထားသည့် နိုင်ငံသားများနှင့် ပိ-တ်ဆို့ထားသူများစာရင်းထဲသို့ ဗုဒ္ဓဟူးနေ့တွင် ထည့်သွင်းခဲ့ပါသည်။
ထို့အပြင် အဆိုပါကုမ္ပဏီများနှင့် ဆက်နွှယ်နေသည့် သင်္ဘောလေးစင်းဖြစ်သော ဒယ်လာ၊ နော့စတား၊ ရိုစလင်း နှင့် ဗေလိယန့်တို့ကိုလည်း ဒ-ဏ်ခတ်ပိတ်ဆို့ခဲ့ကြောင်း သိရှိရပါသည်။
ဗင်နီဇွဲလား၏ ရေနံကုန်သွယ်မှုနှင့် ဆက်နွှယ်နေသည့် သင်္ဘောများနှင့် ကုမ္ပဏီများကို အမေရိကန်က ယခင်ကတည်းက ဒ-ဏ်ခတ်ပိတ်ဆို့မှုစာရင်း သတ်မှတ်ထားပြီးဖြစ်ပါသည်။ သို့သော်လည်း ထိုနေရာတွင် စီးပွားရေးလုပ်ကိုင်နေသည့် တရုတ်ကုမ္ပဏီများကို ပ-စ်မှတ်ထားခြင်းမှာ ဖြစ်တောင့်ဖြစ်ခဲဖြစ်ပြီး၊ ၎င်းသည် ထရမ့်ပ်အစိုးရနှင့် နစ်ကလပ်စ် မာဒူရို အစိုးရတို့အကြား ဖြစ်ပွားနေသည့် တင်းမာမှုများထဲသို့ မဝင်ရောက်ရန် တရုတ်အစိုးရကို သတိပေးချက်တစ်ခု ပေးလိုက်ခြင်းလည်း ဖြစ်နိုင်ပါသည်။
တရုတ်နိုင်ငံသည် ဗင်နီဇွဲလား၏ ရေနံအများဆုံး ဝယ်ယူသူဖြစ်ပြီး ရေနံတင်ပို့မှုသည် ဗင်နီဇွဲလားနိုင်ငံ၏ ဝင်ငွေစုစုပေါင်း၏ ၉၅ ရာခိုင်နှုန်းခန့် ရှိပါသည်။
Ref: ဆော့ချိုင်းနားမောနင်းပို့စ်