မနီလာ၊ နိုဝင်ဘာ ၁၃
ဖိလစ်ပိုင်နိုင်ငံသည် ၂၀၂၆ ခုနှစ်တွင် တစ်နိုင်ငံလုံးအတိုင်းအတာဖြင့် ဖိလစ်ပိုင်နိုင်ငံသား ၁၂ သန်းကို ရောဂါရှာဖွေစစ်ဆေးရန် ရည်မှန်းချက်ကြီးစွာဖြင့် တီဘီရောဂါတို-က်ဖျ-က်ရေးကို အရှိန်အဟုန်မြှင့်ဆောင်ရွက်နေကြောင်း နိုင်ငံ၏ကျန်းမာရေးဌာနက ကြာသပတေးနေ့တွင် ပြောကြားခဲ့သည်။
တီဘီရောဂါ ရှာဖွေကုသရေးဝန်ဆောင်မှုများကို တိုးချဲ့လုပ်ဆောင်ရန်နှင့် အရှိန်မြှင့်တင်ရန်အတွက် ၂၀၂၆ ခုနှစ်အတွက် ပီဆို ၄.၂ ဘီလျံ (အမေရိကန်ဒေါ်လာ ၇၁ သန်းခန့်) ဘတ်ဂျက်ကို အဆိုပြုထားရာ ၂၀၂၅ ခုနှစ်တွင် လျာထားသည့် ပီဆို ၂.၆ ဘီလျံ (ဒေါ်လာ ၄၄ သန်း) ၏ နှစ်ဆနီးပါးဖြစ်ကြောင်း လူမှုမီဒီယာ သတင်းများအရ သိရသည်။
“ဖိလစ်ပိုင်တွင်၊ ကျွန်ုပ်တို့သည် တီဘီရောဂါများကို လျင်မြန်စွာစစ်ဆေးပြီး ရောဂါရှာဖွေရန်အတွက် အလွန်သယ်ဆောင်ရလွယ်ကူသော၊ ဉာဏ်ရည်တုစွမ်းအင်သုံး ဓာတ်မှန်များနှင့် WHO က အကြံပြုထားသော နျူးကလိုက်အက်ဆစ်စစ်ဆေးမှုများကို အသုံးပြုနေပြီဖြစ်သည်” ဟု ကျန်းမာရေး အတွင်းဝန် တအိုဒိုရို ဟာဘဆိုက ပြောကြားခဲ့ပါသည်။
ဆေးယဉ်ပါးတီဘီအတွက် ဆန်းသစ်တီထွင်ထားသော သောက်ဆေးသက်သက်ဖြင့် ကုသနည်းသည် ကုသမှုကာလကို ယခင်ကနှစ်နှစ်မှ ယခုအခါခြောက်လသို့ လျှော့ချပေးကြောင်း ဟာဘဆိုက ပြောကြားခဲ့သည်။
တစ်ကမ္ဘာလုံးတွင် တီဘီရောဂါဖြစ်ပွားသူ ၁၀ ဒသမ ၇ သန်းခန့် ရှိရာ၌ ဖိလစ်ပိုင်တွင် ၆ ဒသမ ၈ ရာခိုင်နှုန်းဖြင့် ၂၀၂၄ ခုနှစ်တွင် မှတ်တမ်းဝင်ခဲ့ကြောင်း ကမ္ဘာ့ကျန်းမာရေးအဖွဲ့မှ သိရသည်။ ဖိလစ်ပိုင်နိုင်ငံသား ၁၀၀ ခန့်သည် တီဘီရောဂါဖြင့် နေ့စဉ်ေ-သဆုံးနေသည်။
Ref: ရှင်းဟွာ