ပြည်သူ့စစ်မှုထမ်း ဥပဒေအရ စစ်သင်တန်း တက်ရောက်ရန်သွားရောက်မည့်သူများအား ယနေ့ မေလ (၃)ရက် နံနက်ပိုင်းက မွန်ပြည်နယ်ဝန်ကြီးချုပ်က လိုက်လံနှုတ်ဆက်ကာထောက်ပံ့ငွေများ ပေးအပ်ခဲ့သည်။
ပြည်နယ်ဝန်ကြီးချုပ်သည် အမှတ်(၆) ပညာရေးကျောင်း (တပ်မတော်ကြည်း)သို့ ရောက်ရှိခဲ့ပြီး စစ်သင်တန်း တက်ရောက်မည့် ပြည်သူ့စစ်မှုထမ်းများကို တွေ့ဆုံနှုတ် ဆက်ခဲ့ခြင်းဖြစ်သည်။
မွန်ပြည်နယ်ဝန်ကြီးချုပ် ဦးအောင်ကြည်သိန်းက နိုင်ငံသားတိုင်းအနေဖြင့် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေးနှင့် အချုပ်အခြာ အာဏာတည်တံ့ခိုင်မြဲရေး ဟူသည့် ဒို့တာဝန် အရေးသုံးပါးကို စောင့်ထိ န်းရန် တာဝန်ရှိကြပြီး ယင်းတာဝန်များကို ထမ်းဆောင်နိုင်ရေး စစ်ပညာသင်ကြားရန်နှင့် နိုင်ငံတော်ကာကွယ်ရေးအတွက် စစ်မှုထမ်းဆောင်နိုင်ရန် ပြည်သူ့စစ်မှုထမ်း ဥပဒေကိုပြ ဋ္ဌာန်းခဲ့ရခြင်း ဖြစ်ကြောင်း ပြောကြားခဲ့သည်။
ထို့နောက် မွန်ပြည်နယ်ဝန်ကြီးချုပ် ဦးအောင်ကြည်သိန်းက စစ်သင်တန်းတက်ရောက်မည့် ပြည်သူ့စစ်မှုထမ်းများကို ထောက်ပံ့ငွေများပေးအပ်ခဲ့ပြီး မော်တော်ယာဉ်ပေါ်သို့ လိုက်လံပို့ဆောင် နှုတ်ဆက်ခဲ့သည်။

