ပြည်သူအားလုံးလိုလားတောင့်တလျှောက်လှမ်းလိုသည့် ပါတီစုံဒီမိုကရေစီပန်းတိုင်ကိုလှမ်းမြင်နေရပြီဟု နိုင်ငံတော် ယာယီသမ္မတပြော

ပြည်သူအားလုံးလိုလားတောင့်တလျှောက်လှမ်းလိုသည့် ပါတီစုံဒီမိုကရေစီပန်းတိုင်ကိုလှမ်းမြင်နေရပြီဟု နိုင် ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ ၂၀၂၆ ခုနှစ်၊ ဇန်နဝါရီ ၁ ရက်တွင်ကျရောက်သည့် နှစ်သစ်ကူးနေ့၌ နှစ်သစ်ကူးနှုတ်ခွန်း ဆက်စကားပြောကြားစဥ် ထည့်သွင်းပြောကြားခဲ့ခြင်းဖြစ်သည်။ နိုင်ငံတော်ရှေ့ဆက်လျှောက်လှမ်းရမည့်လမ်းကြောင်းကိုမျှော်မှန်းပြီး ဦးတည်ချက်များ ခိုင်ခိုင်မာမာချမှတ်ကာ အကောင်အထည်ဖော်လျှောက်လှမ်းရာ၌ ပြည်သူ များ၏ဝိုင်းဝန်းကူညီဆောင်ရွက်ပေးမှုကြောင့် ယခုအချိန်တွင် ပြည်သူအားလုံးလိုလားတောင့်တလျှောက်လှမ်းလိုသည့် ပါတီစုံဒီမိုကရေစီပန်းတိုင်ကိုလှမ်းမြင်နေရပြီဟု ပြောသည်။ ” ပြီးခဲ့တဲ့ ဒီဇင်ဘာ ၂၈ ရက်က မြို့နယ်ပေါင်း(၁၀၂) မြို့နယ်မှာ ပါတီစုံဒီမိုကရေစီအထွေထွေရွေးကောက်ပွဲကို အောင်အောင်မြင်မြင်နဲ့ကျင်းပနိုင်ခဲ့တာဟာသက်ဆိုင်ရာမြို့နယ်တွေမှာရှိတဲ့ ပါတီစုံဒီမိုကရေစီကိုချစ်မြတ်နိုးတဲ့ မဲဆန္ဒရှင်ပြည်သူလူထုရဲ့ အင်တိုက်အား တိုက်ပူးပေါင်းပါဝင်မှုကြောင့်ဖြစ်ပါတယ်။ တက်ကြွစွာ လာရောက်မဲပေးကြတဲ့ မဲဆန္ဒရှင်ပြည်သူ၊ ပြည်သားအားလုံးကို ကျေးဇူးတင်ကြောင်းပြောလိုပါတယ်”ဟု နိုင်ငံတော် ယာယီသမ္မတက ပြောသည်။ ထို့ပြင် ရွေးကောက်ပွဲအား အပိုင်းလိုက်ကျင်းပနေခြင်းဖြစ်၍ ကျန်ရှိသည့်မြို့နယ်များမှ မဲဆန္ဒရှင်ပြည်သူများအနေဖြင့် မြန်မာနိုင်ငံသားတစ်ယောက်၏အခွင့်အရေးကို အပြည့်အဝအသုံးချပြီး ကျင်းပနေသောရွေး ကောက်ပွဲ၌ ပါဝင်မဲပေးကြဖို့လည်းလိုအပ်သည်ဟု ပြောသည်။ ထို့အတူ မိမိတို့အစိုးရကာလအတွင်း တွေ့ဆုံဆွေးနွေးမှုများမှရရှိလာသည့်ပြည်ထောင်စုငြိမ်းချမ်းရေးနှင့် ဖွံ့ ဖြိုးတိုးတက်ရေးအတွက် လက်တွဲပူးပေါင်းအကောင် အထည်ဖော်မည့်အချက်များနှင့် ဖွဲ့စည်းပုံအခြေခံဥပ ဒေ(၂၀၀၈ ခုနှစ်)မှပြင်ဆင်နိုင်ရေးအတွက် အချက် (၄၃)ချက်တို့ကို သဘောတူညီခဲ့ပြီးဖြစ်၍ ဖြစ်ပေါ်လာမည့် လွှတ်တော်တွင်ဆွေးနွေးပြီး ဥပဒေနှင့်အညီဆက် လက်ဆောင်ရွက်သွားရမည်ဟု ပြောသည်။ ထို့ကြောင့် ရွေးကောက်ပွဲပြီးကာလတွင် ထွက်ပေါ်လာမည့်အစိုးရကို နိုင်ငံ့တာဝန်များလွှဲပြောင်းပေးအပ်ပြီး ဒု တိယစာမျက်နှာကို အကောင်းဆုံးဖြစ်အောင်ထမ်းဆောင်နိုင်ရေး ဆက်လက်ဆောင်ရွက်ရမည်ဖြစ်ကာ ကူးပြောင်းရောက်ရှိသော ၂၀၂၆ ခုနှစ်သည် မိမိတို့နိုင်ငံအတွက် မင်္ဂလာရှိသော နှစ်သစ်၊ ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်သစ်ကိုပြန်လည်တည်ဆောက်နိုင်မည့်နှစ်ဟုယုံကြည်ပြီး ပြည်သူတစ် ရပ်လုံး လိုလားတောင့်တနေသည့် ရေရှည်တည်တံ့ခိုင်မြဲသော ထာဝရငြိမ်းချမ်းရေးကိုဖော်ဆောင်နိုင်မည့်နှစ်တစ်နှစ်ဖြစ်ပြီး တိုင်းရင်းသားပြည်သူအားလုံး၏ လူမှုစီးပွားဘဝများ ဖွံ့ဖြိုးတိုးတက်လာမည့်နှစ်ဖြစ်လာမည်ကိုယုံကြည်သည်ဟု နိုင်ငံတော် ယာယီသမ္မတက ပြောကြားခဲ့သည်။