ရင်းနှီးမြုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်၊ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အု န်း၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ဦးအောင်နိုင်ဦးတို့သည် သြဂုတ် (၁၄) ရက် ညနေပိုင်းက ရန်ကုန်အပြည်ပြည်ဆိုင်ရာလေဆိပ်မှတဆင့် တရုတ်နိုင်ငံသို့ ထွက်ခွာသွားခဲ့ကြောင်း သိရသည်။
ပြည်ထောင်စုဝန်ကြီး (၃) ဦးသည် တရုတ်နိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် ယူနန်ပြည်နယ်ပြည်သူ့အစိုးရတို့မှ ကြီးမှူး၍ ကူမင်းမြို့တွင် ဩ ဂုတ်လ (၁၆) ရက်မှ (၂၀) ရက်အထိကျင်းပမည့် (၇)ကြိမ်မြောက် တရုတ် – တောင်အာရှကုန်စည်ပြပွဲ၊ (၂၇) ကြိမ်မြောက် တရုတ်(ကူမင်း)ပို့ကုန်/သွင်းကုန် ကုန်စည်ပြပွဲဖွင့်ပွဲ အခမ်းအနားနှင့် အခြားဆက်စပ်အခမ်းအနားများသို့ တက်ရောက်ရန် သွားရောက်ခြင်းဖြစ်ကြောင်း သိရသည်။
တရုတ်နိုင်ငံသို့ ထွက်ခွာသွားသည့် ပြည်ထောင်စုဝန်ကြီး (၃) ဦးအား သက်ဆိုင်ရာဝန်ကြီးဌာနများမှ တာဝန်ရှိသူ များ၊ မြန်မာနိုင်ငံဆိုင်ရာ တရုတ်နိုင်ငံသံရုံးမှ Economic & Commercial Counsellor ဖြစ်သည့် Mr. Ouyang Daobing နှင့် တာဝန်ရှိသူတို့က လိုက်ပါပို့ဆောင်ပေးခဲ့ကြကြောင်း သိရသည်။
Photo-Ko Aung Myint
