ပြည်ထောင်စု ရေရှည်တည်တံ့စေရန် ရွေးကောက်ပွဲ စနစ်ကို ပြောင်းလဲဖို့ လိုအပ်ကြောင်း နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြား
ပြည်ထောင်စု ရေရှည်တည်တံ့ရေး၊ နိုင်ငံတော်အဓွန့်ရှည်ကြာရေးနှင့် တိုင်းရင်းသားလက်နက်ကိုင်ပဋိပက္ခများ ချုပ်ငြိမ်းစေရေးတို့အတွက် ရွေးကောက်ပွဲ စနစ်ကို ပြု ပြင်ပြောင်းလဲရန် လိုအပ်ကြောင်း နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ပြောကြားလိုက်သည်။
ဩဂုတ်လ (၁) ရက် နံနက်ပိုင်းက ပြည်သူများသို့ ပြောကြားသည့် မိန့်ခွန်းတွင် ထည့်သွင်းပြောကြားခဲ့ခြင်း ဖြစ် သည်။
ရွေးကောက်ပွဲစနစ်ကို ပြုပြင်ပြောင်းလဲမှ ဖြစ်ပါမယ်။ လက်ရှိအသုံးပြုနေတဲ့ နိုင်သူအကုန်ယူ(FPTP)စနစ်အ ပြင် အချိုးကျကိုယ်စားပြု စနစ်(PR-Proportional Representation)ကို ထည့်သွင်းဆောင်ရွက်ဖို့လိုကြောင်း တွေ့ရပါတယ်။ ဒီလိုပြင်ဆင်ရာမှာ အစိုးရ၊ ပြည်ထောင်စုရွေးကောက်ပွဲကော်မရှင်နဲ့ သက်ဆိုင်ရာ အဖွဲ့အစည်းတွေက ပြင်ဆင်ရမှာဖြစ်သလို နိုင်ငံရေးပါတီတွေ အနေနဲ့ကလည်း ပြင်ဆင်ရမှာ ဖြစ်ပါတယ်။ အဲ့လိုပြင်ဆင်နိုင်ရန် လုံလောက်တဲ့ အချိန်ရယူသွားရမှာပဲဖြစ်တယ်။ကျွန်တော် တို့ပြည်ထောင်စု ရေရှည်တည်တံ့ဖို့၊ နိုင်ငံတော်အဓွန့်ရှည်ကြာဖို့၊ တိုင်းရင်းသား လက်နက်ကိုင် ပဋိပက္ခများ ချုပ် ငြိမ်းသွားဖို့ ဒီစနစ်ကို အကောင်အထည်ဖော် ရပါမယ်” ဟု ဗိုလ်ချုပ်မှူးကြီး မင်းအောင်လှိုင်က ပြောသည်။
နစက ဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ၎င်းတို့အစိုးရအဖွဲ့ တာဝန်ယူခဲ့သည့် ၁၈ လတာ ကာလအတွင်း နိုင်ငံရေးပြုပြင်ပြောင်းလဲမှုများနှင့် ရှေ့လုပ်ငန်းစဉ်များကို ယနေ့ ဩဂုတ်လ (၁) ရက် နံ နက် (၈) နာရီက ပြည်သူလူထုထံ တင်ပြသည့် မိန့်ခွန်းကို နိုင်ငံပိုင် မီဒီယာမှတဆင့် ပြောကြားခဲ့ခြင်း ဖြစ်သည်။
ယင်းသို့ ပြောကြားရာတွင် နိုင်ငံတော် တည်တံ့ခိုင်မြဲရန်နှင့် နိုင်ငံသားအားလုံး ဒီမိုကရေစီအခွင့်အရေးကို တန်းတူညီမျှ ခံစားနိုင်ရန်အတွက် အချက် (၂)ချက်ကို ပြုပြင်ရန် လိုအပ်ပြီး အဆိုပါ အချက်(၂) ချက်မှာ နိုင်ငံရေးအရပြု ပြင်ဆောင်ရွက်ခြင်းနှင့် တိုင်းရင်းသားရေးအရ ပြုပြင် ဆောင်ရွက်ခြင်းတို့ ဖြစ်ကြောင်း ထည့်သွင်း ပြောကြားခဲ့သည်။
ယင်းအချက် (၂) ချက်သည် သီးခြားစီဟု ထင်ရသော် လည်း တစ်ခုနှင့် တစ်ခုခွဲမရအောင် ဆက်စပ်လျက် ရှိကြောင်းလည်း ၎င်းက ပြောသည်။
ထို့အပြင် မြန်မာ နိုင်ငံတွင် ပါတီစုံဒီမိုကရေစီ စနစ် စတင်ကတည်းက အထွေထွေရွေးကောက်ပွဲ (၃) ကြိမ်ကျင်းပခဲ့သော်လည်း နယ်မြေမတည်ငြိမ်သည့် တိုင်းရင်းသား ဒေ သများတွင် ရွေးကောက်ပွဲ မကျင်းပနိုင်ခဲ့သည့်အတွက် အဆိုပါ ဒေသမှ တိုင်းရင်းသားများအနေဖြင့် ဒီမိုကရေစီအခွင့်အရေး ဆုံးရှုံးရကြောင်း သိရသည်။
လွှတ်တော်အသီးသီးတွင် တိုင်းရင်းသားနှင့်လူထုလူတန်း စား အလွှာအသီးသီးကို ကိုယ်စားပြုသူများပါဝင်လာနိုင်ရန်အတွက် ရွေးကောက်ပွဲစနစ်တွင် လက်ရှိအသုံးပြုနေတဲ့ နိုင်သူအကုန်ယူ(FPTP)စနစ်အပြင် အချိုးကျ ကိုယ် စားပြု စနစ်(PR-Proportional Representation)ကို ကျင့် သုံးရန် လိုအပ်ကြောင်းလည်း နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောသည်။
မြန်မာနိုင်ငံတွင် မြို့နယ်ပေါင်း (၃၃၀) မြို့နယ်ရှိသည့်အ နက် ၂၀၁၀ ပြည့်နှစ်ရွေးကောက်ပွဲတွင် (၃၂၅) မြို့နယ်၊ ၂၀၁၅ ခုနှစ်ရွေးကောက်ပွဲတွင် (၃၂၃) မြို့နယ်နှင့် ၂၀၂၀ ပြည့်နှစ် ရွေးကောက်ပွဲတွင် (၃၁၅) မြို့နယ် ရွေးကောက်ပွဲကျင်းပနိုင်ခဲ့ကြောင်း သိရသည်။