ပြည်တွင်း၌ဒေါ်လာငွေချေးစာချုပ်များ ထုတ်‌ဝေမည်-သီရိလင်္ကာနိုင်ငံ

ကိုလံဘို၊ အောက်တိုဘာ ၁၅

သီရိလင်္ကာ ဝန်ကြီးအဖွဲ့သည် ငွေဖြစ်လွယ်မှုကိရိယာအဖြစ် ပြည်တွင်းဒေါ်လာငွေချေးစာချုပ်များထုတ်‌ဝေရန် အဆိုပြုချက်ကို အတည်ပြုခဲ့ကြောင်း အစိုးရပြောရေးဆိုခွင့်ရှိသူက အင်္ဂါနေ့တွင် ပြောကြားခဲ့သည်။

နိုင်ငံတွင်း နိုင်ငံခြားငွေ စီးဆင်းမှု တိုးလာသဖြင့် ပြည်တွင်း နိုင်ငံခြားငွေလဲလှယ်မှု ဈေးကွက်တွင်ငွေဖြစ်လွယ်မှု အားကောင်းလာစေရန် ထိုသို့လုပ်ဆောင်ရခြင်းဖြစ်ကြောင်း အစိုးရအဖွဲ့မှ ပြောရေးဆိုခွင့်ရှိသူ နလင်ဒါ ဂျေရာတစ်စာက ပြောကြားခဲ့သည်။

သီရိလင်္ကာ၏ ကူးသန်းရောင်းဝယ်ရေးဘဏ်များကို ပစ်မှတ်ထားကာ အဆိုပါလှုပ်ရှားမှုသည် နိုင်ငံခြားငွေ အပ်ငွေများကိုအသုံးပြု၍ ရင်းနှီးမြှုပ်နှံမှုများအတွက် အခွင့်အလမ်းများပေးဆောင်ရန် ရည်မှန်းထားကြောင်း ၎င်းက ဆိုသည်။

သီရိလင်္ကာ ဗဟိုဘဏ်၏ ပြည်သူ့ကြွေးမြီဌာန၏ အဆိုအရ ရင်းနှီးမြှုပ်နှံသူများစိတ်ဝင်စားမှုကို အကဲဖြတ်ဆန်းစစ်ရန် ၂၀၂၅ ခုနှစ် ဩဂုတ်လတွင် ပြုလုပ်ခဲ့သော ဈေးကွက်စစ်တမ်းတစ်ခုအရ ရင်းနှီးမြှုပ်နှံသူများသည် အမေရိကန်ဒေါ်လာ သန်း ၁၀၀ အထိ ရင်းနှီးမြှုပ်နှံလိုကြသည်ဟု ထုတ်ဖော်ပြောဆိုခဲ့ကြကြောင်း ၎င်းက ပြောကြားခဲ့သည်။

ထို့ကြောင့် သမ္မတ အနူရာ ကုမာရာ ဒီစ်စနရီတ်က တင်သွင်းသည့် အဆိုပြုချက်ကို တည်ဆဲဥပဒေဘောင်အတွင်းမှ ပြည်တွင်းဒေါ်လာငွေချေးစာချုပ်များထုတ်ပေးခြင်းကို ကာလတို ငွေဖြစ်လွယ်မှုကိရိယာအဖြစ် အတည်ပြုခဲ့သည်။

Ref: ရှင်းဟွာ