မြန်မာနိုင်ငံ အမျိုးသားလူ့အခွင့်အရေးကော်မရှင်မှ သတင်းထုတ်ပြန်ချက်အမှတ်(၁/၂၀၂၃)ဖြင့် ဇန်နဝါရီ ၇ ရက်က (၇၅)နှစ်မြောက် စိန်ရတုလွတ် လပ်ရေးနေ့၌ ပြစ်ဒဏ်လွတ်ငြိမ်းခွင့်၊ပြစ်ဒဏ်လွတ်ငြိမ်းသက်သာခွင့်ရသူများနှင့်ပတ်သက်၍ အသိပေးထုတ်ပြန်ခဲ့ခြင်းဖြစ်သည်။
နစက ဥက္ကဋ္ဌ၏ လူသားချင်းစာနာထောက်ထားမှုဖြင့်ဆောင်ရွက်ပေးမှုသည် လျော်ကန်သင့်မြတ်သည့် လုပ်ဆောင်ချက်များဖြစ်ကာ ပြစ်ဒဏ်လွတ်ငြိမ်းချမ်းသာခွင့်ရသူများအနေဖြင့် သက် ဆိုင်ရာမိသားစုဝင်များနှင့်ပြန်လည်ပေါင်းစည်းခွင့်ရ၍ ဝမ်းမြောက်ပီတိဖြစ်ကြမည်မှာ အသေအ ချာပင်ဖြစ်သည်ဟု ထုတ်ပြန်ချက်၌ရေးသားထားသည်။
ထို့ပြင် ပြစ်ဒဏ်လွတ်ငြိမ်းခွင့်၊ပြစ်ဒဏ်လွတ်ငြိမ်းသက်သာခွင့်ရသူများသည် နိုင်ငံတော်၏မေတ္တာ၊ စေတနာကို အလေးထားပြီး အမျိုးသားစည်းလုံးညီညွတ်ရေးနှင့်ဒီမိုကရေစီနိုင်ငံတော်တည် ဆောက်ရေးအတွက် ဥပဒေဘောင်အတွင်းမှ တစ်တပ်တစ်အားပါဝင်ဆောင်ရွက်ရာတွင် များစွာ အထောက်အကူပြုမည်ကို ကော်မရှင်အနေဖြင့် ယုံကြည်သည်ဟု ရေးသားထားသည်။
နစက ဥက္ကဋ္ဌသည် ၂၀၂၃ ခုနှစ်၊ဇန်နဝါရီ ၄ ရက်က ကျရောက်ခဲ့သည့် (၇၅)နှစ်မြောက် စိန်ရတုလွတ်လပ်ရေးနေ့အထိမ်းအမှတ်၊ပြည်သူလူထုနှလုံးစိတ်ဝမ်းအေးချမ်းစေရေးနှင့်လူမှုရေးအရ ငဲ့ညှာထောက်ထား၍ နိုင်ငံတော်၏မေတ္တာနှင့်စေတနာကိုနားလည်စေရန် အမိန့်အမှတ် ၁/၂၀၂၃ ဖြင့် အကျဉ်းထောင်/အချုပ်ထောင်/စခန်းအသီးသီးတွင် ပြစ်ဒဏ်ကျခံလျက်ရှိသော အကျဉ်းသား၊ အကျဉ်းသူ ၇၀၁၂ ဦးတို့အား လွတ်ငြိမ်းခွင့်ပြုခဲ့သည်။
ထိုသို့ လွတ်ငြိမ်းခွင့်ပြုရာ၌ ၎င်းတို့ကျခံရန်ကျန်ရှိသည့် ပြစ်ဒဏ်များကိုလျှော့ပေါ့၍ လွတ်ငြိမ်းခွင့်ပြုခဲ့ခြင်းဖြစ်သည်ဟု မြန်မာနိုင်ငံ အမျိုးသားလူ့အခွင့်အရေးကော်မရှင်၏ ထုတ်ပြန်ချက်၌ ရေး သားထားသည်။
ထို့ပြင် အမိန့်အမှတ် ၂/၂၀၂၃ ဖြင့် ဇန်နဝါရီ ၄ ရက်မတိုင်မီ လူသတ်မှု၊မုဒိမ်းမှု၊ပေါက်ကွဲစေတတ်သောဝတ္ထုပစ္စည်းများအက်ဥပဒေအရ ပြစ်မှုများ၊မတရားအသင်းများ အက်ဥပဒေအရ ပြစ်မှုများ၊ ၁၈၇၈ ခုနှစ် လက်နက်များအက်ဥပဒေ ပုဒ်မ ၁၉ (စ)အရပြစ်မှုများ၊ ၁၉၄၉ ခုနှစ် လက် နက်(အရေးပေါ် ပြစ်ဒဏ်စီရင်မှု)(ယာယီ)အက်ဥပ ဒေအရပြစ်မှုများ၊ ၁၉၅၁ ခုနှစ် လက်နက်(ယာယီပြင်ဆင်ချက်)အက်ဥပဒေအရ ပြစ်မှုများ၊ ၁၉၂၄ ခုနှစ် ရှမ်းပြည်နယ် လက်နက်အမိန့်အရ ပြစ်မှုများ၊မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများ ဆိုင်ရာဥပဒေအရပြစ်မှုများ၊သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေအရပြစ် မှုများ၊အကြမ်းဖက်မှုတိုက်ဖျက်ရေးဥပဒေအရပြစ်မှုများနှင့်အဂတိလိုက်စားမှုတိုက်ဖျက်ရေး ဥပဒေအရ ပြစ်မှုများမှအပတည်ဆဲဥပဒေတစ်ရပ်ရပ်အရ ပြစ်မှုတစ်ခုခုနှင့်စပ်လျဉ်း၍ ပြစ်ဒဏ်ကျခံလျက်ရှိသည့် အကျဉ်းသား၊အကျဉ်းသူများကိုလည်း ကျခံနေရသော ပြစ်ဒဏ်၏ ခြောက်ပုံတစ်ပုံအား လွတ်ငြိမ်းသက်သာခွင့်ပေးခဲ့သည်ဟု ထုတ်ပြန်ရေးသားထားသည်။
