ကျန်းမာရေးဝန်ကြီးဌာနနှင့် ပဲခူးတိုင်းဒေသကြီးအစိုးအဖွဲ့တို့၏ ဦးဆောင်လမ်းညွှန်မှုဖြင့် ပဲခူးမြို့၊ ခုတင်(၅၀၀)ဆံ့ အထွေထွေရောဂါကုပြည်သူ့ဆေးရုံကြီး၊ အောင်သုခ ဆေးကုသဆောင်၌ ယမန်နေ့ နံနက်ပိုင်းက World sight day ကမ္ဘာ့မျက်မမြင်ပပျောက်ရေးနေ့အထိမ်းအမှတ် (တတိယ) အကြိမ်မြောက် မျက်စိကျန်းမာရေးစစ်ဆေးပေးမှုနှင့် ခွဲစိ-တ်ကုသခြင်းများ လုပ်ဆောင်ပေးခဲ့ကြောင်း သိရသည်။
ပဲခူးမြို့ ခုတင်(၅၀၀)ဆံ့အထွေထွေရောဂါကု ပြည်သူ့ဆေးရုံကြီးမှ မျက်စိအထူးကုဆရာဝန်ကြီး ဒေါက်တာကိုဦးက မျက်စိကျန်းမာရေးနှင့်ပတ်သက်၍ ဆောင်ရန်၊ ရှောင်ရန် လိုက်နာရမည့် အချက်များနှင့်ပတ်သက်၍ ရှင်းလင်းပြောကြားပြီး ခွဲစိ-တ်ပြီး လူနာများ၏ မျက်စိကျန်းမာရေးကို ကြည့်ရှုစစ်ဆေးပေးခဲ့ကြောင်း သိရသည်။
အဆိုပါ ကျန်းမာရေးစောင့်ရှောက်မှုကို ပဲခူးတိုင်းဒေသကြီး ဝန်ကြီးချုပ်ဦးမျိုးဆွေဝင်းက အောက်တိုဘာ(၂၄)ရက်နေ့က သွားရောက်ကြည့်ရူခဲ့ကြောင်း သိရသည်။
ကျန်းမာရေးဝန်ကြီးဌာနနှင့် ပဲခူးတိုင်းဒေသကြီးအစိုးအဖွဲ့တို့၏ ဦးဆောင်လမ်းညွှန်မှု့ဖြင့် (တတိယ) အကြိမ်မြောက် မျက်စိကျန်းမာရေးစစ်ဆေးပေးမှုနှင့် ခွဲစိ-တ်ကုသမှုဆောင်ရွက်ပေးခြင်းကို ပဲခူးမြို့၊ ခုတင်(၅၀၀)ဆံ့အထွေထွေရောဂါကုပြည်သူ့ဆေးရုံကြီးမှ မျက်စိအထူးကုဆရာဝန်ကြီးနှင့် တောင်ငူမြို့ပြည်သူ့ ဆေးရုံကြီးမှ မျက်စိအထူးကုဆရာဝန်ကြီးတို့က မျက်စိရောဂါလူနာ (၂၇၀) ဦးတို့အား အောက်တို့ဘာလ (၂၃) ရက်နေ့မှ (၂၅) ရက်နေ့အထိ မျက်စိကျန်းမာရေးစစ်ဆေးပေးခြင်းနှင့် ခွဲစိ-တ်ကုသခြင်းများကို ဆောင်ရွက်ပေးခဲ့ခြင်းဖြစ်ကြောင်း သိရသည်။