ကချင်ပြည်နယ်၊ ပူတာအိုမြို့၊ မူလာရှီးဒီရပ်ကွက်တွင် ဖွင့်လှစ်ထားသည့် သူဋ္ဌေးကြီးဦးတေဇ ပိုင်ဆိုင်သည့် မလိခဟိုတယ် Malikha Lodge Hotel တွင် ယနေ့ ဧပြီ (၂၀)ရက် နံနက် (၅) နာရီခွဲ အချိန်ခန့်က မီး လောင်မှု ဖြစ်ပွားခဲ့ရာ အဆောင် (၃)ဆောင် မီးထဲပါသွားကြောင်း ဒေသတွင်း သတင်းများအရ သိရသည်။
အဆိုပါ မီးလောင်မှုကို ဒေသခံများ၊ လုံခြုံရေးတပ်ဖွဲ့ဝင်များ ပူးပေါင်းကာ အချိန်ခဏအတွင်း မီးငြိမ်းသတ်နိုင်ခဲ့ကြောင်း မီးကူငြှိမ်းသတ်ရာတွင် ပါဝင်သည့် ဒေသခံများထံမှ သိရသည်။
အဆိုပါ မီးလောင်မှုမှာ မီးဖိုချောင်မှ မီးကူးစက် စတင်လောင်ကျွမ်းခဲ့ခြင်းဖြစ်ပြီး သက်ကယ်မိုးထားသည့် အဆောင် (၃) ဆောင် မီးလောင်ဆုံးရှုံးခဲ့ရကြောင်း ဒေသခံများထံမှ သိရသည်။
အဆိုပါ ဦးတေဇ ပိုင်ဆိုင်သည့် မလိခဟိုတယ်မှာ ပူတာအိုမြို့မှ နာမည်ကြီး ဟိုတယ်တစ်ခုဖြစ်ပြီး ပူတာအိုမြို့သို့ လာရောက်သည့် ဧည့်သည်အများအပြား သွားရောက် လည်ပတ်ကြသော ဟိုတယ်တစ်ခုဖြစ်ကြောင်း ဒေသခံတို့က ဆိုသည်။

