မန္တလေးတိုင်းဒေသကြီး၊ ညောင်ဦးမြို့နယ်၊ ပုဂံရှေးဟောင်းယဉ်ကျေးမှုနယ်မြေအတွင်း ဆေးလိပ်ငွေ့ကင်းစင်နေရာ (၁ ၀၂) နေရာ သတ်မှတ်ထားနိုင်ခဲ့ပြီးဖြစ်ကြောင်း ညောင်ဦးခရိုင် ပြည့်သူ့ကျန်းမာရေး ဦးစီးဌာန၊ ခရိုင်ဦးစီးမှူး ဒေါက်တာ ရွှေစင်ထိုက်၏ ပြောကြားချက်အရ သိရသည်။
ပုဂံသို့ ပြည်တွင်းပြည်ပ ခရီးသွားဧည့်သည်အများဆုံး လာရောက်လည်ပတ်လျက်ရှိသည့်အတွက် အသွားအလာများသည့် ယင်းဒေသရှိ ဆေးလိ-ပ်ငွေ့ကင်းစင်ရေးလုပ်ငန်းများကို ကနဦးအနေဖြင့် ဆောင်ရွက်လျှက်ရှိရာ လက်ရှိတွင် ပုဂံရှေးဟောင်းယဉ်ကျေးမှုနယ်မြေ၌ ဘုရား (၁၇)ဆူ၊ ရှေးဟောင်းသာသနိက အဆောက်အအုံ (၃၂) ခု၊ ရုံး/ဌာန (၁၁)ခု၊ ဟို တယ် (၃၁) လုံး၊ စာသင်ကျောင်း (၆) ကျောင်း၊ စားသောက်ဆိုင် (၉) ဆိုင်၊ကစားကွင်း/ပန်းခြံ (၄)နေရာအပါအဝင် ဆေး လိ-ပ်ငွေ့ကင်းစင်ရေးနေရာ (၁၀၂) နေရာ သတ်မှတ်ထားရှိကြောင်း သိရသည်။
ဆေးလိ-ပ်နှင့်ဆေးရွက်ကြီးထွက်ပစ္စည်း သောက်သုံးမှု ထိန်းချုပ်ရေးဥပဒေအရ အများပြည်သူများ သူတစ်ပါး၏ ဆေးလိ-ပ်ငွေ့ကို ရှူရှိက်ရသည့် အန္တရာယ်မှကင်းဝေးစေရန် ဆေး လိပ်လုံးဝသောက်ခွင့်မရှိသော နေရာများ၊ အကန့်အသတ်ဖြင့်သာ ဆေးလိ-ပ်သောက်ခွင့်ရှိသော နေရာများကို သတ်မှတ်ပြဋ္ဌာန်းထားရှိကြောင်း သိရသည်။
အဆိုပါ သတ်မှတ်နေရာများမှာ ဆေးရုံအဆောက်အအုံ၊ ရုံးခန်း၊ ဆေးရုံပရဝုဏ်နှင့် ပရဝုဏ်အတွင်းရှိ အခြားအဆောက်အအုံများ၊ ဆေးခန်းများ၊ အားကစားရုံနှင့် အမိုးအကာရှိတဲ့ အားကစားကွင်းများ၊ ကလေးကစားရုံနှင့် ကစားကွင်းများ၊ ကျောင်းပရဝုဏ်အတွင်းရှိ သင်ကြားရေး အဆောက်အအုံ၊ စာသင်ခန်း၊ ရုံးခန်းပရဝုဏ်နှင့် ပရဝုဏ်အတွင်းရှိ အခြားအဆောက်အအုံများ၊ တက္ကသိုလ်ဒီဂရီကောလိပ်၊ ကောလိပ်နှင့် သိပ္ပံတို့၏ သင်ကြားရေး အဆောက်အအုံ၊ စာသင်ခန်းနှင့် ရုံးခန်းများ၊ ဇာတ်ရုံ၊ ရုပ်ရှင်ရုံ၊ ဗီဒီယိုရုံနှင့် အခြားပွဲကျင်းပပြသတဲ့ အဆောက်အအုံများ၊ ကုန်တိုက်၊ ကုန်ပဒေ သာဆိုင်၊ စတိုးဆိုင်နှင့် အမိုးအကာရှိတဲ့ ဈေးရုံများ၊ ပြတိုက်၊ မော်ကွန်းတိုက်၊ အများပြည်သူသုံး စာကြည့်တိုက်နှင့် စာဖတ်ခန်းများ၊ ဓာတ်လှေကားနှင့် ရွေ့လျားစက်လှေကားများ၊ ခရီးသည်သယ်ယူပို့ဆောင်သော မော်တော်ယာဉ်များနှင့် လေယာဉ်များ၊ လေအေးစက် တပ်ဆင်ထားသော အများပြည်သူသုံးအခန်းများ၊ အများပြည်သူ သုံးခန်းမကြီးများ၊ ဘာသာရပ်သင် ကိုယ်ပိုင်သင်တန်းနှင့် သင်တန်းကျောင်းများ၏ သင်ကြားရေးအဆောက်အအုံနှင့် စာသင်ခန်းများပါဝင်ကြောင်း သိရသည်။