မြန်မာနိုင်ငံ၊ ရန်ကုန်မြို့ရှိ ပါရမီဘုရားကျောင်းမှ ဗုဒ္ဓမြတ်စွာဘုရားရှင်၏ ဓာတ်တော်မွေတော် (၈) ဆူအား ကိုရီးယားနိုင်ငံ၊ Korea Buddhist Yorae Order ၏ဌာနချုပ်ဖြစ်သော Dae Yaksasa ဘုရားကျောင်းသို့လှူဒါန်းခဲ့သည်။
အဆိုပါ ဓာတ်တော်မွေတော် (၈) ဆုအပ်နှင်းပွဲနှင့် Yoraeseon Meditation Center ဖွင့်ပွဲကို နိုဝင်ဘာ ၁၅ ရက်ကကျင်းပရာ မြန်မာသံရုံးယာယီတာဝန်ခံ/ သံအမတ်ကြီးက မြန်မာနိုင်ငံမှပင့်ဆောင်လာသည့် ဓာတ်တော်မွေတော်များကို Dae Yaksasa ဘုရားကျောင်းတွင် ဌာပနာတည်ထားကိုးကွယ်ရန်အပ်နှင်းခွင့်ရရှိ၍ လွန်စွာဂုဏ်ယူဝမ်းမြောက်ကာ မြင့်မြတ်သောဗုဒ္ဓအမွေအနှစ်များကို ဖလှယ်မှုမှတစ်ဆင့် မြန်မာ-ကိုရီးယားနှစ်နိုင်ငံကြား ယဉ်ကျေးမှုနှင့် ရင်းနှီးချစ်ခင်မှုကို ပိုမိုခိုင်မာလာစေမည်ဟု ပြောကြားခဲ့သည်။
ထို့ပြင် Dae Yaksasa ဘုရားကျောင်း၏ ဦးစီးပဓာနဆရာတော်ကြီး Most Venerable Myung An ကလည်း မြန်မာနိုင်ငံ၊ ပါရမီဘုရားကျောင်းမှ ဓာတ်တော်မွေတော်များလှူဒါန်းခဲ့ခြင်းအတွက် ကျေးဇူးတင်ဂုဏ်ပြုစကား ပြောကြားခဲ့သည်။
ထို့နောက် ပါရမီဘုရားကျောင်းမှ ပင့်ဆောင်လာသည့် ဓာတ်တော်မွေတော် (၈) ဆူအား မြန်မာသံရုံးယာယီတာ ဝန်ခံ/သံအမတ်ကြီးနှင့် ကိုယ်စားလှယ်အဖွဲ့က Dae Yaksasa ဘုရားကျောင်းသို့အပ်နှင်းခဲ့ကြသည်။