ပါကစ္စတန်တွင် ဓာတ်ဆီနှင့်ဒီဇယ်ဆေးများခေါင်ခိုက်နေ
အစ္စလာမာဘတ်၊ဇွန် ၁၆
ငွေကြေးဖောင်းပွမှု မြင့်တက်နေသည့်ကြားမှပင် ပါကစ္စတန်အစိုးရသည် ဓာတ်ဆီတစ်လီတာလျှင် ၂၄ ရူပီးအထိ ဈေးနှုန်းမြှင့်တင်ခဲ့သည်။ဓာတ်ဆီတစ်လီတာလျှင် ၂၃၃.၈၉ ရူပီးဖြစ်လာပြီး ဒီဇယ်တစ်လီတာလျှင် ၂၆၃.၃၁ ရူပီးအထိဖြစ်လာသည်။
ဘဏ္ဍာရေးဝန်ကြီး Miftah Ismail က လောင်စာဆီဈေးမြင့်တက်မှုသည် နိုင်ငံတကာ ဈေးနှုန်းကြီးမြင့်မှုများကြောင့် ဖြစ်ကြောင်းပြောကြားခဲ့ပြီး လက်ရှိအကျပ်အတည်းများအတွက် ယခင် Imran Khan အစိုးရကိုလည်းအပြစ်တင်ခဲ့သည်။
ပါကစ္စတန်အစိုးရသည် နိုင်ငံတွင်း စီးပွားရေးအခြေအနေ ပိုမိုဆိုးရွားနေချိန်၌ ရက်ပေါင်း ၂၀ အတွင်း တတိယအကြိမ်မြောက် လောင်စာဆီစျေးနှုန်းကို မြှင့်တင်ခဲ့ရခြင်းဖြစ်သည်။
ပါကစ္စတန်သည် ၎င်း၏ဘဏ္ဍာရေးလိုငွေပြမှုကို ထိန်းချုပ်ရန် ကြိုးပမ်းနေပြီး နိုင်ငံတကာငွေကြေးရန်ပုံငွေအဖွဲ့ (IMF) ထံမှ ထောက်ပံ့ငွေရရှိရန် ကြိုးပမ်းလျက်ရှိသည်။
ပြီးခဲ့သည့်လက လောင်စာဆီဈေးတက်မည်ဟု ကြေငြာစဥ်တွင် ပါကစ္စတန်ဝန်ကြီးချုပ်သစ် Shehbaz Sharif က တိုင်းပြည်ကို ဒေဝါလီခံခြင်းမှ ကယ်တင်ရန် လိုအပ်ကြောင်းလည်း ပြောကြားခဲ့သည်။
Source – WionNews
