ဒီကနေ့ နိုဝင်ဘာ (၉)ရက်နေ့ ည(၇)နာရီခွဲအချိန်မှာ အာရှအမျိုးသမီးချန်ပီယံလိဂ်ဘောလုံးပြိုင်ပွဲရဲ့ အုပ်စုအဖွင့်ပွဲစဉ် အ တွင်း မြန်မာအမျိုးသမီးအသင်း(ISPE)နဲ့ တောင်ကိုရီးယားအမျိုးသမီးအသင်း (Suwon FC)အသင်းတို့ ယှဉ်ပြိုင်ကစားရာမှာ ပထမပိုင်း နာကျင်အချိန်ပို သုံးမိနစ်အတွင်း တောင်ကိုရီးယားအသင်းက
မြန်မာအသင်းကို (၁)ဂိုးသွင်းယူထားတာဖြစ်ပါတယ်။
ဒီသွင်းဂိုးနဲ့ ပတ်သက်လို့ မြန်မာအသင်းနည်းပြချုပ် ဒေါ်စန်းစန်းသိန်းနဲ့ ကွင်းလယ်ဒိုင်လူကြီး နဲ့ စည်းကြပ်ဒ်ိုင်အကြား အနည်းငယ် အငြင်းပွားခဲ့တာကိုတွေ့ရပါတယ်။
နာကျင်အချိန်ပို(၃)မိနစ်မတိုင်မီ ပထမပိုင်းပွဲချိန်အတွင်းမှာ မြန်မာအသင်းရဲ့ခံစစ်အားကောင်းတာကြောင့် ဂိုးပေးရတာမျိုးမရှိခဲ့တာကိုတွေ့ရသလို တောင်ကိုရီးယားအသင်းရဲ့ဖိအားပေးကစားတာကိုတွေ့မြင်ရပါတယ်။
မြန်မာအသင်းဟာ နိုဝင်ဘာ (၁၂) ရက်၊ ညနေ (၃)နာရီအချိန်မှာ ဂျပန်ကလပ် Tokyo Verdy၊ နိုဝင်ဘာ (၁၅) ရက် ၊ ည (၇)နာရီအချိန်တွင် မြောက်ကိုးရီးယားကလပ် Naegohyang အသင်းတို့နဲ့ ထပ်မံယှဉ်ပြိုင်သွားကြမှာလည်း ဖြစ်ပါတယ်။