မော်စကို၊ဩဂုတ် ၆
အမေရိကန်၏ Reaper MQ – 9 စစ်ဘက်ဒရုန်းတစ်စင်းသည် ပင်လယ်နက်ရှိရုရှားနယ်စပ်သို့ချိုးဖောက်ဝင်ရောက်လာသဖြင့် ကာကွယ်ရန်အတွက် Su – 30 အမည်ရှိ တိုက်လေယာဉ်တစ်စင်းကို ရုရှားဘက်မှအရေးပေါ်ပျံတက်ဟန့်တားခဲ့ရကြောင်း သြဂုတ်လ ၅ ရက်နေ့ကပြောကြားခဲ့သည်။
ယင်းသို့ပျံတက်ပြီး ရုရှားတိုက်လေယာဉ်ချဉ်းကပ်သွားချိန်တွင် အဆိုပါထောက်လှမ်းရေးဒရုန်းသည် နယ်စပ်မှဂငယ်ကွေ့ပြန်လှည့်သွားခဲ့သည် ဟုလည်းရုရှားကာကွယ်ရေးဝန်ကြီးဌာနကပြောကြားခဲ့ပြီး အဆိုပါဒရုန်းသည် အမေရိကန်၏ဒရုန်းဖြစ်သည်ဟုလည်းဆိုခဲ့သည်။
အဆိုပါဒရုန်းအားတက်ရောက်ဟန့်တားခဲ့သဖြင့် ပိုင်နက်ချိုးဖောက်မှုမရှိခဲ့ဘဲ ရုရှားလေယာဉ်လည်း ချောချောမွေ့မွေ့ပြန်ဆင်းလာနိုင်ခဲ့သည်ဟုဆိုသည်။
မော်စကိုကယူကရိန်း၌ ထိုးစစ်ဆင်နေသောကြောင့် မကြာသေးမီအချိန်များအတွင်း ရုရှားနှင့် အနောက်နိုင်ငံလေယာဉ်များ၏အလားတူဖြစ်ရပ်များသည်လည်း ပင်လယ်နက်နှင့်ဘောလ်တစ်ပင်လယ်တို့တွင်ပိုမိုများပြားလာခဲ့သည်။
Source :AFP