၂၀၂၄ -၂၀၂၅ ဘဏ္ဍာနှစ်၏ (၂)လကျော်ကာလအတွင်း ပြည်ပသို့ ရေထွက်ကုန်တင်ပို့မှုမှ ကန်ဒေါ်လာ (၁၁၃) သန်းကျော်ရရှိထားကြောင်း စီးပွားရေးနှင့် ကူးသန်းရောင်းဝယ် ရေးဝန်ကြီးဌာနမှ သိရသည်။
၂၀၂၄ -၂၀၂၅ ဘဏ္ဍာနှစ်၏ ဧပြီလ (၁) ရက်မှ ဇွန်လအထိ (၇) ရက်အထိတင်ပို့မှုမှရရှိထားသည့်ဝင်ငွေဖြစ်ကြောင်း အလားတူကာလနှင့် နှိုင်းယှဉ်ပါက (၃၆)သန်းကျော် ပိုမိုရရှိခဲ့ကြောင်း သိရသည်။
မြန်မာနိုင်ငံမှ ရေထွက်ကုန်ပစ္စည်းများဖြစ်သည့် ငါး၊ ပုစွန်နှင့် အခြားရေထွက်ကုန်များကို တရုတ်နိုင်ငံ၊ ထိုင်းနိုင်ငံ၊ ဘင်္ဂလားဒေ့ရှ် နိုင်ငံနှင့် ဂျပန်နိုင်ငံ အပါအဝင် နိုင်ငံပေါင်း (၄၀) ကျော်သို့ တင်ပို့နေခြင်းဖြစ်ကြောင်း သိရသည်။
မြန်မာနိုင်ငံမှ ရေထွက်ကုန်ပစ္စည်းများကို ပုံမှန်ကုန်သွယ်ရေး Normal Trade နှင့် နယ်စပ်ကုန်သွယ်ရေး Border Trade လမ်းကြောင်းမှတဆင့် ပြည်ပနိုင်ငံတွေကို တင်ပို့နေခြင်းဖြ စ်သည်။
မြန်မာ့ရေထွက်ကုန်များကို ပုံမှန်ကုန်သွယ်ရေးအဖြစ် ဂျပန်နှင့် ဥရောပနိုင်ငံများ အပါအဝင် တရုတ်၊ ထိုင်းနှင့် အိမ်နီးချင်းနိုင်ငံထံသို့ မူဆယ်၊ မြဝတီ၊ ကော့သောင်း၊ စစ်တွေ၊ မြိတ်နှင့် မောင်တောနယ်စပ်ကုန်သွယ်ရေး စခန်းတို့မှလည်း ငါး၊ ပုစွန်၊ ဂဏန်း စသည့် ရေထွက်ကုန်များကို ပုံမှန်တင်ပို့လျက် ရှိသည်။
မြန်မာတစ်နိုင်ငံလုံးတွင် ငါးနှင့်ပုစွန် မွေးမြူသည့်ကန်ပေါင်း (၄၈၀,၀၀၀) ရှိသည့်အပြင် အအေးခန်းသိုလှောင်ရုံပေါင်း (၁၂၀) ကျော်ရှိကြောင်း ငါး၊ ပုဇွန်မွေးမြူရေး လုပ်ငန်းလုပ် ကိုင်သူများထံမှ သိရသည်။
ယခု၂၀၂၄ -၂၀၂၅ ဘဏ္ဍာနှစ်တွင်လည်း ပြည်ပနိုင်ငံများသို့ ရေထွက်ကုန်တင်ပို့မှုမှ အမေရိကန်ဒေါ်လာ သန်း ၈၀၀ ကျော် ရရှိနိုင်ရန် မျှော်မှန်းထားကြောင်း သိရသည်။