အမျိုးသားအကျိုးစီးပွား၊ နိုင်ငံတော်အကျိုးစီးပွားကိုရည်မျှော်ဆောင်ရွက်ကြရန်လည်းတိုက်တွန်းခဲ့
နိုင်ငံတော်၏ လွတ်လပ်ရေးနှင့် အချုပ်အခြာအာဏာသည် အစဉ်ထာဝရထိန်းသိမ်းကာကွယ်စောင့်ရှောက်ရမည့် နိုင်ငံတော်၏အသက်ခန္ဓာဖြစ်ဟု နိုင်ငံတော် ယာ ယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်က ပြောသည်။
နိုင်ငံတော် ယာယီသမ္မတမှ ယနေ့ ဇန်နဝါရီ ၄ ရက်နံနက်ပိုင်းက (၇၈)နှစ်မြောက် လွတ်လပ်ရေးနေ့အထိမ်းအ မှတ် ဂုဏ်ထူးဆောင်ဘွဲ့များချီးမြှင့်အပ်နှင်းခြင်းအခမ်း အနားတွင် အမှာစကားပြောကြားရာ၌ထည့်သွင်းပြောကြားခဲ့ခြင်းဖြစ်သည်။
မြန်မာနိုင်ငံသည် အင်အားကြီး နိုင်ငံနှစ်ခုကြားတွင် တည်ရှိနေပြီး ရှုပ်ထွေးသည့်နိုင်ငံရေးသမိုင်းကြောင်း နောက်ခံများနှင့်အတူ ပထဝီအနေအထားအရ အဓိကကျသည့်နေရာတွင်ရှိနေသည့်အပြင် ပြည်တွင်းလက် နက်ကိုင်ပဋိပက္ခများလည်းရှိနေ၍ တည်ငြိမ်မှုရှိအောင်ထိန်းသိမ်းဆောင်ရွက်နိုင်မှုမရှိပါက နိုင်ငံပြိုကွဲမည့်အ ခြေအနေမျိုးနှင့် ထပ်မံကြုံတွေ့လာနိုင်သည်ဟု ပြောသည်။
ထို့ကြောင့် မိမိတို့အနေဖြင့် နိုင်ငံတော်တွင်ဖြစ်ပေါ်ခဲ့သည့် သမိုင်းကြောင်းများကိုသင်ခန်းစာယူပြီး အနာ ဂတ်တွင် ခေတ်မီဖွံ့ဖြိုးတိုးတက်ပြီး တည်ငြိမ်အေးချမ်းသည့် နိုင်ငံတော်ကိုပုံဖော်တည်ဆောက်ပြီး နိုင်ငံအ တွက် ကောင်းသည့်အမွေကိုပေးခဲ့မှသာ မိမိတို့ကာလ၊ မိမိတို့ မျိုးဆက်များသည် နိုင်ငံအပေါ်သစ္စာရှိပြီး တာ ဝန်ကျေပွန်မည်ဟု ပြောသည်။
” အဲဒီလို အသက်တမျှအရေးကြီးလှတဲ့ လွတ်လပ်ရေးနဲ့ အချုပ်အခြာအာဏာတည်တံ့ခိုင်မြဲရေးအတွက် မြန်မာ့တပ်မတော်က တိုင်းရင်းသားပြည်သူတွေနဲ့ တွဲလက် ညီညီသက်စွန့်ကြိုးပမ်းရင်ဆိုင်ကာကွယ်ခဲ့ကြတာကြောင့် ယနေ့အထိလွတ်လပ်ရေးနဲ့ အချုပ်အခြာအာ ဏာတည်တံ့နေခြင်းဖြစ်ပါတယ်”ဟု နိုင်ငံတော် ယာယီသမ္မတက ပြောသည်။
ထို့ကြောင့် တိုင်းရင်းသားစည်းလုံးညီညွတ်မှုစွမ်းအားကို အားကောင်းစေသည့် စစ်မှန်စည်းကမ်းပြည့်ဝပြီး ဒီမိုကရေစီနှင့်ဖက်ဒရယ်စနစ်ကိုအခြေခံသည့် ပြည် ထောင်စုဖော်ဆောင်ရေးတွင် ပြည်ထောင်စုဖွားတိုင်း ရင်းသားအားလုံးက အထူးအလေးထားပြီး တက်ညီ လက်ညီလိုက်နာအကောင်အထည်ဖော်ဆောင်ရွက်ရမည်ဟု ပြောသည်။
ထို့ပြင် နိုင်ငံတော်တည်ဆောက်ရေးလုပ်ငန်းများ၌ ထဲထဲဝင်ဝင်ပူးပေါင်းဆောင်ရွက်ခြင်း မပြုရသေးသူများအနေဖြင့် အမျိုးသားအကျိုးစီးပွား၊ နိုင်ငံတော် အကျိုး စီးပွားကိုရည်မျှော်ပြီး နိုင်ငံတော်အစိုးရနှင့် အမြန်ဆုံး လက်တွဲဆောင်ရွက်ကြရန်၊ အမြင်မတူ သဘောထားကွဲလွဲနေကြသည့်အဖွဲ့အစည်းများနှင့် ပုဂ္ဂိုလ်များအနေ ဖြင့်လည်း ပဋိပက္ခများမှ တွေ့ဆုံဆွေးနွေးညှိနှိုင်းကြ ရန်ထပ်မံဖိတ်ခေါ်သည်ဟု နိုင်ငံတော် ယာယီသမ္မတက ပြောကြားခဲ့သည်။