နိုင်ငံရေးစီးပွားရေး၊ငြိမ်းချမ်းရေးဆိုင်ရာမူဝါဒများ၊လုပ်ငန်းစဥ်သဘောထားများနှင့်ပတ်သက်၍ အမျိုးသားဒီမိုကရေစီအင်အားစု(NDF)ပါတီ၏ ဗဟိုအလုပ်အမှုဆောင်ကော်မတီမှ ဒီဇင်ဘာ ၁၆ ရက်က ထုတ်ပြန်ခဲ့ခြင်းဖြစ်သည်။
NDF ပါတီ၏ နိုင်ငံရေးစီးပွားရေး၊ငြိမ်းချမ်းရေးဆိုင်ရာမူဝါဒများမှာ ပါတီစုံဒီမိုကရေစီစနစ်ကိုအ ခြေခံသော ဖက်ဒရယ်ဒီမိုကရေစီပြည်ထောင်စု ဖြစ်ပေါ်ရေး၊ရောပြွန်းဈေးကွက်စီးပွားရေးသ ဘောအရ အစိုးရ-ပုဂ္ဂလိက ယှဉ်တွဲဆောင်ရွက်သော နိုင်ငံ့စီးပွားဖွံ့ဖြိုးရေးနိုင်ငံရေး၊သဘောထားကွဲမှုများကိုစဉ်ဆက်မပြတ် တွေ့ဆုံဆွေးနွေးအ ဖြေရှာမှုများမှတဆင့်ထာဝရငြိမ်းချမ်းရေးရရှိရေးတို့ဖြစ်သည်ဟု ထုတ်ပြန်ချက်၌ရေးသားထား သည်။
ထို့ကြောင့် NDF ပါတီ၏ လုပ်ငန်းစဉ်သဘောထားများအရ ဖက်ဒရယ်ဒီမိုကရေစီပြည်ထောင်စု ပေါ် ပေါက်ရေးအတွက် နိုင်ငံသားအားလုံးနှင့်သက် ဆိုင်သော ဒီမိုကရေစီလွတ်လပ်ခွင့်များ၊တိုင်းရင်း သားလူမျိုးများ၏ဥပဒေအရ ရပိုင်ခွင့်အခြေခံမှု များရရှိစေရေးအတွက် နိုင်ငံရေးနယ်ပယ်နှင့်လွှတ်တော်နယ်ပယ်များတွင် ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးလုပ်ငန်းစဉ်များတွင် တက်ကြွစွာပါဝင်ဆောင်ရွက်သွားမည်ဟု အသိပေးထုတ်ပြန်ခဲ့သည်။
စိုက်ပျိုးရေးအဓိကနိုင်ငံဖြစ်၍ နိုင်ငံ၏လူများစု တောင်သူလယ်သမားလူတန်းစားဖွံ့ဖြိုးတိုးတက်ရေးအား ပါတီ၏အဓိကမူဝါဒတစ်ရပ်အဖြစ်ခံယူ ၍ လက်တွေ့ကူညီဆောင်ရွက်သွားမည့်အပြင် အ ခြားစီးပွားရေးအခွင့်အလမ်းများရရှိရေးကိုလည်း လူများစုကောင်းစားရေးအတွက် ရှေ့ရှုဆောင် ရွက်သွားမည်ဟု ထုတ်ပြန်ချက်၌ရေးသားထား သည်။
ပါတီကြီးဝါဒ၊လူမျိုးကြီးဝါဒကင်းရှင်းစွာ ဒေသခံလူမျိုးများ၏ ယုံကြည်ကိုးစားမှုရှိသူများသာ ဦး ဆောင်သည့် နိုင်ငံရေး၊စည်းရုံးရေးနှင့်လွတ်တော်ရေးရာကိစ္စတို့အား လှုပ်ရှားဆောင်ရွက်စေရမည်ဟုရေးသားထားသည်။
ထို့ပြင် ဒေသအလိုက် နိုင်ငံရေး၊စီးပွရေး၊လူမှုရေးလိုအပ်ချက်များကို လွှတ်တော်တွင်း၊လွှတ်တော်ပြင်ပ၌ ဒေသသားများဦးဆောင်အကောင်အ ထည်ဖော်နိုင်ရေးကို အလေးပေးဆောင်ရွက်သွားမည်ဟု ထုတ်ပြန်ရေးသားထားသည်။
နိုင်ငံသားပြည်သူအားလုံးသည် ဒီမိုကရေစီလွတ် လပ်ခွင့်များကို ဥပဒေနှင့်အညီရရှိခံစားစေရမည်ဖြစ်ရာ ကိုယ်ပိုင်ပြဌာန်းခွင့်၊ကိုယ်ပိုင်အုပ်ချုပ်ခွင့်နှင့်တန်းတူညီမျှပြည်ထောင်စုသားတို့၏ ဘဝများအဖြစ်ရောက်ရှိခံစားစေရမည်ဟု အသိပေးထုတ်ပြန်ခဲ့သည်။
ထို့ကြောင့် ပြည်နယ်နှင့်တိုင်းတို့တွင် အုပ်ချုပ်ရေးအာဏာ၊တရားစီရင်ရေးအာဏာနှင့်ဥပဒေပြုရေးအာဏာတို့ကို အခြေခံဥပဒေပါအတိုင်း ခွဲဝေကျင့် သုံးခွင့်ရှိစေရန် အကောင်အထည်ဖော်နိုင်ရေးကို အလေးထားဆောင်ရွက်သွားမည်ဟု ထုတ်ပြန်ရေးသားထားသည်။
ငြိမ်းချမ်းတည်ငြိမ်ရေးနှင့်နိုင်ငံ့စီးပွားဖွံ့ဖြိုးရေးသည် နိုင်ငံ၏အဓိကလိုအပ်ချက်ကြီးများဖြစ်၍ တည်ငြိမ်ဖွံ့ဖြိုးရေးသို့ရောက်ရှိရန် နိုင်ငံ၏လက်ငင်းနိုင်ငံရေးထွက်ပေါက်မှာ ၂ဝ၂၃ ခုနှစ် ရွေးကောက်ပွဲဖြစ်သည်ဟု NDF ပါတီမှခံယူသည်ဟု ရေးသားထားသည်။
ပြည်သူများ၊နိုင်ငံရေးပါတီများပါဝင်သော PR စ နစ်ကိုအသုံးပြုသည့် ရွေးကောက်ပွဲကြီးဖြစ်လာစေရန် ပြည်သူလူထုသို့ နိုင်ငံရေးအသိနှင့်နိုင်ငံ ရေးသတိရှိစေရန် ကြိုးပမ်းစည်းရုံးသွားမည်ဟု NDF ပါတီ၏ ထုတ်ပြန်ချက်၌ရေးသားထား သည်။