ရန်ကုန်သို့ရောက်ရှိနေသော နစက ဥက္ကဋ္ဌ၊ ဝန်ကြီးချုပ်၊ ဗိုလ်ချုပ်မှူးကြီးမင်းအောင်လှိုင်မှ ဒီဇင်ဘာ ၂၀ ရက်မွန်းလွဲပိုင်းက နှစ်ပေါင်း ၆၀ ကျော်သက်တမ်းရှိ ရန်ကုန်တိုင်း၊ကမာရွတ်မြို့နယ်ရှိ ပို့ဆောင်ရေးနှင့်ဆက်သွယ်ရေးဝန်ကြီးဌာန၊မြန်မာ့သင်္ဘောကျင်းလုပ်ငန်းအားကြည့်ရှုစစ်ဆေးခဲ့သည်။
မြန်မာ့သင်္ဘောကျင်းမှ နိုင်ငံ၏ရှည်လျားသည့်ကမ်းရိုးတန်းနယ်နိမိတ်နှင့်ရေပိုင်နက်နယ်နိမိတ်အတွင်း ရေကြောင်းသယ်ယူပို့ဆောင်ရေးနှင့်လုံ ခြုံရေးတို့အတွက်လိုအပ်သည့် ရေယာဉ်များကို တည်ဆောက်ပေးနိုင်ရမည်ဟု မှာကြားခဲ့သည်။
ရေကြောင်းပို့ဆောင်ရေးစနစ်သည် အကျိုးများစွာရှိသည့် ပို့ဆောင်ရေးစနစ်တစ်ခုဖြစ်၍ နိုင်ငံတ ကာအဆင့်မီသင်္ဘောကြီးများကို မြန်မာ့သင်္ဘော ကျင်းလုပ်ငန်း၌ပင် တည်ဆောက်နိုင်ရမည်ဖြစ်ပြီး ရေကြောင်းပို့ဆောင်ရေးပြန်လည်ဖွံ့ဖြိုးလာရန် အားပေးဆောင်ရွက်ရမည်ဟုဆိုသည်။
ကမ်းရိုးတန်းသွားသင်္ဘောများ၊ငါးဖမ်းသင်္ဘောများနှင့်အမြန်ရေယာဉ်များကို တည်ဆောက်ခြင်း၊ပြုပြင်ခြင်းတို့ကိုလည်း ဆောင်ရွက်နိုင်ရမည်ဖြစ်ကာ အိမ်နီးချင်းဒေသတွင်းနိုင်ငံများသို့ သွားလာကူးသန်းပြီး ကုန်စည်များပို့ဆောင်နိုင်သည့် သ င်္ဘောများတည်ဆောက်၍ ရေကြောင်းပို့ဆောင်ရေးကို အဆင့်မြှင့်တင်နိုင်ရန်အားပေးခဲ့သည်။
“ကမ်းရိုးတန်းသွား Cruise Liner သင်္ဘောတွေတည်ဆောက်နိုင်ဖို့အတွက်လည်း ကြိုးပမ်းဆောင်ရွက်ကြဖို့လိုပါတယ် ရေယာဉ်တည် ဆောက်တာ ပြင်ဆင်တာနဲ့ပတ်သက်ရင် နှစ်ပေါင်း ၅၀ ကျော်ကြာ အတွေ့အကြုံရှိပြီးဖြစ်လို့ မြန်မာ့သင်္ဘောကျင်းလုပ်ငန်း အခန်းကဏ္ဍသစ်ကို ပြန်လည်စတင်ရမှာဖြစ်သလို အောင်မြင်အောင် လည်းကြိုးပမ်းဆောင်ရွက်ကြရပါမယ်”ဟု နစက ဥက္ကဋ္ဌကမှာကြားခဲ့သည်။
ထို့နောက် နစက ဥက္ကဋ္ဌသည် မြန်မာ့သင်္ဘောကျင်းလုပ်ငန်းအတွင်းကြည့်ရှု၍ တန်ချိန် ၁၂၀၀၀ ရေ လုံသင်္ဘောကျင်းလုပ်ငန်းဆောင်ရွက်နေမှုကို ကြည့်ရှုစစ်ဆေးခဲ့သည်။
နစက ဥက္ကဋ္ဌအား ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီးဗိုလ်ချုပ်ကြီး တင်အောင်စန်းနှင့်မြန်မာ့သင်္ဘောကျင်းလုပ်ငန်းမှ ဦးဆောင်ညွှန်ကြားရေးမှူး ဦးကျော်နိုင်အေးတို့က မြန်မာ့သင်္ဘောကျင်းလုပ်ငန်းမှ ပြည်တွင်း၊ပြည်ပမှ ရေယာဉ်များကိုတည်ဆောက်ခြင်း၊ပြုပြင်ခြင်းလုပ်ငန်းများ ဆောင်ရွက်နေမှုကိုရှင်းလင်းတင်ပြ ခဲ့ကြသည်။
