နယ်မြေကိစ္စနှင့်ပတ်သက်၍တနင်္ဂနွေနေ့တွင်ထရမ့်ပ်နှင့် ဆွေးနွေးမည်–ဇလန်းစကီး

စစ်ပွဲအဆုံးအသတ်ရေး ဆွေးနွေးပွဲများတွင် အဓိကအဟန့်အတားဖြစ်နေသော နယ်မြေဆိုင်ရာကိစ္စရပ်များနှင့် ပတ်သက်၍ ယူကရိန်းသမ္မတ ဗိုလိုဒီမာ ဇလန်းစကီးက တနင်္ဂနွေနေ့တွင် ဖလော်ရီဒါ၌ အမေရိကန်သမ္မတ ဒေါ်နယ်ထရမ့်ပ်နှင့် ဆွေးနွေးရန်လိုလားလျှက်ရှိသည်။ လက်ရှိတွင် အချက် ၂၀ ပါ ငြိမ်းချမ်းရေးမူဘောင်နှင့် လုံခြုံရေးအာမခံချက်ဆိုင်ရာ သဘောတူညီချက်တို့သည် ပြီးစီးလုနီး အခြေအနေရောက်နေသည်။

ဒုတိယကမ္ဘာစစ်နောက်ပိုင်း ဥရောပ၏ အ‌ေ-သအပျေ-ာက်အများဆုံး ပဋိပက္ခဖြစ်သော ယူကရိန်းစစ်ပွဲကို အဆုံးသ-တ်ရန်အတွက် ဝါရှင်တန်က တွန်းအားပေးဆောင်ရွက်လျက်ရှိပြီး “နှစ်သစ်ကူးမတိုင်မီ အရာများစွာကို ဆုံးဖြတ်ရနိုင်ပါတယ်” ဟု ထရမ့်ပ်နှင့် ဆွေးနွေးပွဲအကြောင်း ကြေညာရာတွင် ဇလန်းစကီးက ပြောဆိုခဲ့သည်။

ယူကရိန်းနှင့် အမေရိကအကြား လုံခြုံရေးအာမခံချက်ဆိုင်ရာ သဘောတူညီချက်သည် အသင့်ဖြစ်လုနီးပါးဖြစ်နေကာ အချက် ၂၀ ပါ အစီအစဉ်မူကြမ်းသည် ၉၀ ရာခိုင်နှုန်းပြီးစီးနေပြီဟု ဇလန်းစကီးက WhatsApp chat တွင် သတင်းထောက်များကို ပြောကြားခဲ့သည်။

“ငါ အတည်မပြုမချင်းတော့ သူ့မှာ ဘာသဘောတူညီချက်မှမရှိသေးပါဘူး” ဟု ထရမ့်ပ်က သောကြာနေ့က ထုတ်လွှင့်ခဲ့သည့် Politico သတင်းဌာနနှင့် အင်တာဗျူးတွင် ပြောကြားခဲ့ပြီး “သူ့မှာဘာရှိနေပြီလဲဆိုတာ ကြည့်ကြတာပေါ့” ဟု ဆိုခဲ့သည်။

အမေရိကသည် ၁၅ နှစ်သက်တမ်းရှိ သက်တမ်းတိုးနိုင်သော လုံခြုံရေးအာမခံချက်ကို ကမ်းလှမ်းထားပြီး ကိဗ်ဘက်ကမူ ပိုမိုသက်တမ်းရှည်သော သဘောတူညီချက်ကို လိုချင်ကြောင်း ဇလန်းစကီးက Axios ကို ပြောကြားခဲ့သည်။

ယူကရိန်းသည် အတိတ်ကာလက မဟာမိတ်များထံမှ အလုပ်မဖြစ်သော လုံခြုံရေးအာမခံချက်များကို သတိထားဆင်ခြင်ကာ ရုရှား၏ နောက်ထပ်ကျူးကျော်မှုမှ ကာကွယ်ပေးမည့် ခိုင်မာပြီး ဥပဒေကြောင်းအရ ဆောင်ရွက်ခွင့်ရှိသော သဘောတူညီချက်မျိုးရရန် ကြိုးပမ်းနေသည်။

ထရမ့်ပ်နှင့် ၎င်း၏ ဆွေးနွေးပွဲသည် မူကြမ်းများတွင် ပိုမိုကောင်းမွန်သောအရာများအတွက် လုပ်ဆောင်ရန်နှင့် ယူကရိန်း၏ စီးပွားရေးနှင့်ဆက်စပ်သော အလားအလာရှိ သဘောတူညီချက်များအတွက် ဆွေးနွေးရန်ရည်ရွယ်ကြောင်း ဇလန်းစကီးက ပြောကြားခဲ့သည်။

Ref: ကေအက်စ်အယ်လ်