နစက ဥက္ကဋ္ဌနှင့် Republic of Buryatia အစိုးရအဖွဲ့အကြီးအကဲတို့ပူးပေါင်းဆောင်ရွက်မည့်ကိစ္စများဆွေးနွေးခဲ့
နစက ဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် စက်တင်ဘာ ၉ ရက်ညနေပိုင်းက ခေတ္တတည်းခိုလျက်ရှိသည့် Ulan-Ude မြို့၊ Mergen Bator ဟိုတယ်၊ Tengeri ညီလာခံခန်းမ၌ Republic of Buryatia ပြည်နယ်အစိုးရအ ဖွဲ့အကြီးအကဲ Aleksey Sambuyevich Tsydenov နှင့်တွေ့ဆုံ၍ ဆွေးနွေးခဲ့ကြသည်။
တွေ့ဆုံရာတွင် အဏုမြူနည်းပညာအသုံးပြု၍ ရောဂါရှာဖွေစမ်းသပ်နိုင်မှုနှင့်ရှာဖွေတွေ့ရှိလာသည့် ရောဂါများအား ခေတ်မီနည်းပညာများ အသုံးပြု၍ ကုသမှုများဆောင်ရွက်ပေးနိုင်မှုနှင့်ကျန်းမာရေးဆိုင်ရာ ပူးပေါင်းဆောင်ရွက်မှုများကို ဆေးပညာရှင်အချင်းချင်း၊ဆေးရုံများအချင်း ချင်း အပြန်အလှန် ဖလှယ်ဆောင်ရွက်နိုင်မည့် အခြေအနေများကို ဆွေးနွေးခဲ့ကြသည်။
ထို့ပြင် သဘာဝသယံဇာတတွင်းထွက်ပစ္စည်းများ တူးဖော်မှုဆိုင်ရာ နည်းပညာရပ်များကို ရှာဖွေထုတ်လုပ်ရာတွင် ပူးပေါင်းဆောင်ရွက်သွားရန်လည်း ဆွေးနွေးခဲ့ကြသည်။
အလားတူ ရထားသယ်ယူပို့ဆောင်ရေးဆိုင်ရာကဏ္ဍဖွံ့ဖြိုးတိုးတက်ရန် လျှပ်စစ်စွမ်းအင်သုံး ခေါင်းတွဲများ၊ ဒီဇယ်ခေါင်းတွဲများ၊ ဓာတ်ငွေ့သုံး ခေါင်းတွဲများ၊ ကိုယ်ထည်တွဲများ ထုတ်လုပ်ခြင်းနည်းပညာဆိုင်ရာ၊ မောင်းနှင်ခုတ်မောင်းမှုဆိုင်ရာ နည်းပညာ၊ မီးရထားနှင့်ဆက်စပ်သည့် လုပ်ငန်းဆိုင်ရာများနှင့်အခြားကဏ္ဍပေါင်းစုံတွင်ပူးပေါင်းဆောင်ရွက်သွားမည့် အခြေအနေတို့အား ဆွေးနွေးခဲ့ကြသည်။
ဆွေးနွေးပွဲသို့ နစက ဥက္ကဋ္ဌနှင့်အတူ နိုင်ငံတော်အ ဆင့်၊ပြည်ထောင်စုအဆင့်ပုဂ္ဂိုလ်များ၊တပ်မ တော်အရာရှိကြီးများ တက်ရောက်ခဲ့ကြပြီး Republic of Buryatia အစိုးရအဖွဲ့အကြီးအကဲနှင့်အတူ ပြည်နယ်အစိုးရအဖွဲ့တာဝန်ရှိသူများ၊စီးပွား ရေးဆိုင်ရာကိုယ်စားလှယ်များလည်း တက်ရောက်ခဲ့ကြသည်။
