နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ သည် ယမန်နေ့ ဇွန် ၁၅ရက် မွန်းလွဲပိုင်းက မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးတို့မှဝန်ကြီးချုပ် ၃ဦးနှင့်အဖွဲ့ဝင်များလိုက်ပါလျှက် မန္တလေးတိုင်းဒေသကြီးတွင်းရှိ ပုဂ္ဂလိကမွေးမြူရေးလုပ်ငန်းများနှင့် ဒေသထုတ်ကုန်လုပ်ငန်းများကိုသွားရောက်ကြည့်ရှု့ခဲ့သည်။
မိတ္ထီလာ-သာစည်လမ်းရှိ ဦးမြဟန် ဆိတ်နှင့်သိုးမွေးမြူရေးလုပ်ငန်းကိုဦးစွာသွားရောက်ခဲ့ရာ ဒေသထွက် ဝါစေ့ခွံ၊ ဇီးခွံ၊ ပဲနောက်၊ ပဲတီစိမ်းဖတ်များ၊ မြေပဲရိုးများဖြင့် စပ်စာကျွေးမွေးကာ ဆိတ်နှင့်သိုးများမွေးမြူထားရှိမှု ဈေးကွက်သို့ တင်ပို့ရောင်းချလျက်ရှိမှုတို့ကိုကြည့်ရှု့ခဲ့ကြပြီး နိုင်ငံတော်ဝန်ကြီးချုပ်က ယခုကဲ့သို့ ဒေသတွင်းမွေးမြူရေးလုပ်ငန်းအောင်မြင်ဖြစ်ထွန်းမှုကို တွေ့ရှိရသည့်အတွက် အားရကြောင်း၊မိရိုးဖလာစနစ်မှ အဆင့်မြှင့်တင်ဆောင်ရန်၊ မွေးမြူထုတ်လုပ်သူနှင့်
ဝယ်ယူစားသုံးသူတို့၏အကြား၌ ကြားခံနည်းနိုင်သမျှ နည်းမည့်မွေးမြူသူနှင့်စားသုံးသူတိုက်ရိုက်စနစ်တစ်ခုကို ဖော်ဆောင်ရန်၊ အကောင်လိုက်ရောင်းချခြင်း
ထက် အသားကို အဆင့်မီထုတ်ကုန်အဖြစ် ထုတ်လုပ်၍ အေးခဲသားများ၊ အသားခြောက်များ ပြုလုပ်ရောင်းချနိုင်မည့် အသားထုတ်လုပ်မှုစက်ရုံဆောင်ရွက်နိုင်ရန်တို့ကိုအားပေးဆွေးနွေးခဲ့သည်။
ဆူးဖြူခက် ကျေးရွာရှိ GARDEN FAMILY ဆိတ်မွေးမြူရေးလုပ်ငန်းတွင်လည်း ဂျိတ်နီဆိတ်မျိုးနှင့် ထိန်စမ်းဆိတ်မျိုးတို့ကို မွေးမြူ ထားရှိမှု၊အစာကျွေးမွေးမှုစနစ်များနှင့် နေဗီယာမြက်စိုက်ခင်း ဆောင်ရွက်ထားရှိမှုတို့ကိုသွားရောက်ကြည့်ရှု့ပြီးနောက် နိုင်ငံတော်ဝန်ကြီးချုပ်က ဒေသတွင်းထွက်ရှိသည့်ကုန်ကြမ်းများကို အကျိုးရှိရှိ အသုံးပြု၍ ယခုကဲ့သို့မွေးမြူရေးလုပ်ငန်းအောင်မြင်ဖြစ်ထွန်းမှုကို တွေ့ရသည့်အတွက်ဝမ်းမြောက်ပါကြောင်း၊ ဆိတ်များအား အမျိုးအစားအလိုက်၊ အသက်အရွယ်အလိုက်
အသားနူးညံ့မှုနှုန်းထားနှင့် အာဟာရပါဝင်မှုနှုန်းထားများကိုလည်း သုတေသနပြု
ဆောင်ရွက်ပေးရန်အကြံပြုခဲ့သည်။
တောမကျေးရွာရှိ ကောင်းထက်စံနို့စားနွားမွေးမြူရေးခြံသို့ ရောက်ရှိရာ နို့စား
နွားများ မွေးမြူထားရှိမှုနှင့် နွားသားပေါက်များမွေးမြူထားရှိမှုနှင့် နေ့စဉ် နို့ထုတ်လုပ်
ရရှိမှုအခြေအနေများ၊ ဝင်းဝင်း ‘တမ’ နို့ချက်စက်ရုံမှ နို့နှင့် နို့ထွက်ပစ္စည်း ထုတ်လုပ်ဖြန့်ဖြူးလျက်ရှိသည့် အခြေအနေများကိုကြည့်ရှု့ပြီးနောက်နို့နှင့်နို့ထွက်ပစ္စည်းများအား ပြည်ပနိုင်ငံ
များမှတင်သွင်းနေရသဖြင့် ပြည်တွင်းထုတ် များဖြင့် အစားထိုးနိုင်ရန်လိုအပ်သည့်အခြေအနေများကိုဆွေးနွေးခဲ့သည်။
ထို့နောက်မိတ္ထီလာခရိုင်၊ ဝမ်းတွင်းမြို့နယ်ရှိ မိရိုးဖလာယက္ကန်းလုပ်ငန်းများကို ခေတ်မီတိုးတက်၍ ပြည်ပသို့တင်ပို့နိုင်ရန် ဝမ်းတွင်း၊ သာစည်၊မိတ္ထီလာ၊ ရွှေတောင်၊ အမရပူရမြို့နယ်များမှ ယက္ကန်းလုပ်ငန်းရှင်များ စုပေါင်း၍ တည်ထောင်ထားသည့် Leader of Textile Public Co.,Ltd နှင့်ဝမ်းတွင်းမြို့ရှိ ရွှေသဲတောကုမ္ပဏီ၊ ကိန္နရီချည်ချောလုံချည် ထုတ်လုပ်ရေးလုပ်ငန်းစုသို့လည်းသွားရောက်ကြည့်ရှု့ခဲ့ပြီး ပြည်တွင်းထွက်ချည်များဖြင့် အထည်များထုတ်လုပ်နိုင်ရေး သုတေသနပြုကြရန်နှင့် လုပ်ငန်းခွင်အခက်အခဲများအား မေးမြန်း ညှိနှိုင်းဆောင်ရွက်ပေးခဲ့ကြောင်း သိရသည်။
