ရန်ကုန်တိုင်း၊ သင်္ဃန်းကျွန်းမြို့နယ်ရှိ အထပ်မြင့်အဆောက်အအုံတစ်ခု၏ ဓာတ်လှေကားစက်ချို့ယွင်းမှုကြောင့်ပိတ်မိနေသည့် အမျိုးသမီး(၆)ဦးအား မီးသတ်တပ်ဖွဲ့ဝင်များက ၁၀ မိနစ်အတွင်း အောင်မြင်စွာကယ်ထုတ်နိုင်ခဲ့ကြောင်း သိရသည်။
ယနေ့ မေ ၁၂ ရက်နံနက် ၁၀ နာရီ ၁၂ မိနစ်ခန့်တွင် သင်္ဃန်းကျွန်းမြို့နယ်၊ လေးထောင့်ကန်ရပ်ကွက်၊ လေး ထောင့်ကန်လမ်း၊ အမှတ်(၁၀၀)ရှိ RC (၈)ထပ်ခွဲ အဆောက်အအုံ၏ မြေညီထပ်ဓာတ်လှေကားအတွင်း လူများပိတ်မိနေသဖြင့် သက်ဆိုင်ရာ မီးသတ်တပ်ဖွဲ့ဝင်များမှ ကယ်ထုတ်မှုများပြုလုပ်ခဲ့ကြသည်။
မီးသတ်တပ်ဖွဲ့ဝင်များ၏ ကယ်ထုတ်မှုကြောင့် နံနက် ၁၀ နာရီ ၂၃ မိနစ်တွင် ဓာတ်လှေကားအတွင်းပိတ်မိနေသည့် အမျိုးသမီး(၆)ဦးလုံးကို ဘေးအန္တရာယ်ကင်းရှင်းစွာဖြင့် အပြင်သို့ပြန်လည်ကယ်ထုတ်ပေးနိုင်ခဲ့သည်။
ထို့ကြောင့် အထပ်မြင့်အဆောက်အအုံများတွင် နေ ထိုင်/အလုပ်လုပ်ကိုင်သူများအနေဖြင့် ဓာတ်လှေကားများကို သတ်မှတ်ကာလအလိုက် ကျွမ်းကျင်အင်ဂျင်နီ ယာများနှင့် စနစ်တကျစစ်ဆေးပြုပြင်ထားခြင်းဖြင့် ယခုကဲ့သို့ စက်ချို့ယွင်းမှုကြောင့် ပိတ်မိခြင်းများကို ကာကွယ်နိုင်မည်ဖြစ်သည်။
ထို့ပြင် ဓာတ်လှေကားအတွင်းပိတ်မိပါက ဆက်သွယ်နိုင်မည့် အရေးပေါ်ဖုန်းနံပါတ်များကို ဓာတ်လှေကားအ တွင်း ထင်ရှားစွာကပ်ထားသင့်ပြီး အချက်ပေးခေါင်းလောင်းများ ကောင်းမွန်စွာအလုပ်လုပ်ခြင်း ရှိ/မရှိ ပုံမှန်စစ်ဆေးသင့်ကာ ဓာတ်လှေကားအတွင်းပိတ်မိပါက ထိတ်လန့်တုန်လှုပ်ခြင်းမဖြစ်ဘဲ အပြင်သို့ အချက်ပေးအကူအညီတောင်းခံရန်နှင့် လေဝင်လေထွက်ရှိစေရန် တည်ငြိမ်စွာစောင့်ဆိုင်းခြင်းက အရေးကြီးဆုံးပင်ဖြစ် သည်။