ကျောင်းသားကျောင်းသူများ တန်းစဉ်ကူးပြောင်းမှုရာခိုင်နှုန်းများ တိုးတက်အောင် အလေးထားဆောင်ရွက်ပေးကြရန် လိုအပ်
ဒေသဖွံ့ဖြိုးတိုးတက်ရေးအတွက် ပညာတတ်လူသားအရင်းအမြစ်များ လိုအပ်ကြောင်း နှင့် အခြေခံဥပဒေတွင် အခြေခံပညာမူလတန်းကို မသင်မနေရ စနစ် သတ်မှတ်ထားသော်လည်း မိမိတို့အစိုးရလက်ထက်တွင် အခြေခံပညာအလယ်တန်း(KG +9) ပြီးသည်အထိ နိုင်ငံသားတိုင်း ပညာသင်ကြားနိုင်အောင် စီမံဆောင်ရွက်ခဲ့ကြောင်း ယာယီသမ္မတ နိုင်ငံတော် လုံခြုံရေး နှင့် အေးချမ်းသာယာရေးကော်မရှင် ဥက္ကဌ ဗိုလ်ချုပ်မှူးကြီး မင်းအောင်လှိုင်က ပြောသည်။
ယနေ့ ဧရာဝတီတိုင်းဒေသကြီး ကန်ကြီးထောင့်မြို့ရှိ ဌာနဆိုင်ရာတာဝန်ရှိသူများ နှင့် ရပ်မိရပ်ဖများကို တွေ့ဆုံစဉ် ယာယီသမ္မတ က အထက်ပါအတိုင်း ပြောကြားခဲ့ခြင်းဖြစ်သည်။
နိုင်ငံသားတိုင်း ပညာသင်ကြားနိုင်အောင်စီမံဆောင်ရွက်ခဲ့ပြီး အောင်မြင်မှုများလည်း ရှိခဲ့ကာ ဆက်လက်၍ ထိရောက်ကျယ်ပြန့်အောင် ဆောင်ရွက်သွားမည်ဖြစ်ကြောင်းလည်း ယာယီသမ္မတ က ပြောကြားခဲ့သည်။
ထိုပြင် ကျောင်းသား၊ကျောင်းသူများ တန်းစဉ်ကူးပြောင်းမှု ရာခိုင်နှုန်းများ တိုးတက်အောင် အလေးထားဆောင်ရွက်ပေးကြရန်လိုအပ်ကြောင်း နှင့် ကန်ကြီးထောင့်မြို့နယ်အတွင်းလည်း ပညာတတ်များ ယခုထက် ပိုမိုတိုးတက်အောင် ဆောင်ရွက်စေလိုကြောင်း နှင့် တန်းစဉ်ကူးပြောင်းမုများ မြင့်မားတိုးတက်လာစေရေး အလေးထားဆောင်ရွက် ပေးစေလိုကြောင်းလည်း ယာယီသမ္မတ ကပြောသည်။
နိုင်ငံတော်၏ ပညာရေး မြှင့်တင်မှုကို အထောက်ကူ ပြုစေရန် နှင့် ဆရာ၊ဆရာမ များ အား မဟာဘွဲ့ နှင့် အဆင့်မြင့်ပညာရပ်များ သင်ယူနိုင်ရေးအတွက် ပညာရေးဒီဂရီကောလိပ် အချို့ကို ပညာရေးတက္ကသိုလ်အဖြစ် အဆင့်မြှင့်တင်ခြင်းများ ဆောင်ရွက်သွားမည်ဖြစ်ကြောင်းလည်း ယာယီသမ္မတ နိုင်ငံတော် လုံခြုံရေး နှင့် အေးချမ်းသာယာရေးကော်မရှင် ဥက္ကဌ ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။
ထိုနောက် ယာယီသမ္မတ နှင့် အဖွဲ့ဝင်များသည် ပုသိမ်မြို့ရှိ ပညာရေးဒီဂရီကောလိပ် သို့ သွားရောက်ကြည့်ရူစစ်ဆေးခဲ့ကြောင်းလည်း သိရသည်။