အင်ဒိုနီရှားနိုင်ငံ၊ ဘာတန်မြို့၌ ဒီဇင်ဘာ ၉ ရက်မှ ဒီဇင် ဘာ ၁၃ ရက်အထိပြုလုပ်ခဲ့သော ဒုတိယအကြိမ်မြောက် အာဆီယံ-အမေရိကန် ပင်လယ်ရေကြောင်းဆိုင်ရာလေ့ကျင့်ခန်းတက်ရောက်ခဲ့သည့် တပ်မတော် (ရေ)မှ စစ်ရေယာဉ်(ကျန်စစ်သား)သည် ယနေ့ ဒီဇင် ဘာ ၁၈ ရက်နေ့လည်ပိုင်းက ရန်ကုန်မြို့သို့ပြန်လည်ရောက်ရှိလာခဲ့ကြောင်း သိရသည်။
အဆိုပါ စစ်ရေယာဥ်(ကျန်စစ်သား)အား ဗိုလ်မှူးကြီး ခွန်အောင်ကျော်ဦးဆောင်ပြီး ဒုတိယအကြိမ် အာဆီယံ-အမေရိကန် ပင်လယ်ရေကြောင်းဆိုင်ရာလေ့ကျင့် ခန်းသို့တက်ရောက်ရန် ဒီဇင်ဘာ ၃ ရက်နေ့လည်ပိုင်းက ရန်ကုန်မြို့မှတစ်ဆင့်ထွက်ခွာခဲ့ခြင်းဖြစ်ကြောင်း သိရသည်။
ထို့နောက် အင်ဒိုနီးရှားနိုင်ငံ၊ ဘာတန်မြို့၌ ဒီဇင်ဘာ ၉ ရက်မှ ၁၁ ရက်အထိအဖွဲ့ခေါင်းဆောင်နှင့် အဖွဲ့ဝင်များ သည် လေ့ကျင့်ခန်းဆိုင်ရာဖွင့်ပွဲအခမ်းအနားတက် ရောက်ခြင်း၊ လေ့ကျင့်ခန်းအမျိုးအစားအလိုက် ပင် လယ်ပြင်လက်တွေ့လေ့ကျင့်မှုများအတွက် အကြိုညှိ နှိုင်းခြင်း၊ Table Top Exercise ပြုလုပ်ခြင်း၊ ကျွမ်း ကျင်သူများ အတွေ့အကြုံဖလှယ်မှုများပြုလုပ်ခြင်း၊ အားကစားပြိုင်ပွဲများတွင်ပါဝင်ယှဉ်ပြိုင်ခြင်း၊ ညစာစားပွဲအခမ်းအနားများတက်ရောက်ခြင်းနှင့် ဘာတန်မြို့တွင်းလေ့လာရေးခရီးစဉ်သွားရောက်ခြင်းတို့ကိုပြုလုပ်ခဲ့ကြကြောင်း သိရသည်။
ထို့ပြင် အာဆီယံ-အမေရိကန် ပင်လယ်ရေကြောင်းဆိုင်ရာပင်လယ်ပြင်လေ့ကျင့်ခန်းများဖြစ်သည့် စစ်ရေယာဉ်များပုံပြုမောင်းနှင်မှုလေ့ကျင့်ခန်း၊ အလံတင်ပြမှုလေ့ကျင့်ခန်း၊ ပျက်စီးထိန်းလေ့ကျင့်ခန်း၊ မီးအ ချက်ပြမှုလေ့ကျင့်ခန်း၊ အရေးကြီးရေယာဉ်ကာကွယ်မှု ပုံပြုလေ့ကျင့်ခန်း၊ ရှာဖွေကယ်ဆယ်ရေးနှင့် ကယ်တင်ကုသမှုလေ့ကျင့်ခြင်း၊ ဝေဟင်ဓာတ်ပုံရိုက်ကူးခြင်း၊ ပြန် လည်ဆွေးနွေးခြင်းနှင့် စစ်ရေယာဉ်များအပြန်အလှန်နှုတ်ဆက်ခြင်းတို့ကို အင်ဒိုနီးရှားနိုင်ငံ၊ ဘာတန်ကျွန်း၊ အရှေ့ မြောက်ရေပြင်တွင်ပြုလုပ်ခဲ့ကြကြောင်း သိရသည်။
အဆိုပါ ဒုတိယအကြိမ်မြောက် အာဆီယံ-အမေရိကန် ပင်လယ်ရေကြောင်းဆိုင်ရာလေ့ကျင့်ခန်းအား မြန်မာ၊ အင်ဒိုနီးရှား၊ ဖိလစ်ပိုင်၊ စင်ကာပူ၊ မလေးရှား၊ ဗီယက် နမ်၊ ဘရူနိုင်းနှင့် အမေရိကန်နိုင်ငံတို့မှ စစ်ရေယာဉ်(၈) စီး၊ ရဟတ်ယာဉ်(၁)စင်းတို့ပါဝင်ခဲ့ကြပြီး ကျန်အာဆီယံ(၄)နိုင်ငံမှ လေ့လာသူကိုယ်စားလှယ်များပါဝင်ခဲ့ကြကြောင်း သိရသည်။