ဘင်္ဂလားဒေ့ရှ်နိုင်ငံတွင် အောက်တိုဘာလ ၁၄ ရက်နေ့က အထည်ချုပ်စက်ရုံတစ်ခုနှင့် ယင်းနှင့်ကပ်လျက် ဓာတုကုန်လှောင်ရုံတစ်ခု မီးလေ-ာင်ကျွမ်းခဲ့မှုကြောင့် လူ ၁၆ ဦးထက်မနည်း ေ-သဆုံးကာ အချို့သည် ဒ-ဏ်ရာရခဲ့ကြောင်းနှင့် ကယ်ဆယ်ရေးလုပ်ငန်းများ ကိုဆက်လက်လုပ်ဆောင်နေစဥ် ေ-သဆုံးသူဦးရေသည် ထပ်တိုးလာနိုင်သေးကြောင်း တာဝန်ရှိသူများက ပြောကြားခဲ့သည်။
အထည်ချုပ်စက်ရုံ၏ ဒုတိယထပ်နှင့် တတိယထပ်မှ ရုပ်အလေ-ာင်း ၁၆ လေ-ာင်းရရှိထားကြောင်း မီးသ-တ်ဦးစီးဌာန ညွှန်ကြားရေးမှူး တာဂျူးလ် အစ္စလမ် ချောင်ဒူရီက ပြောကြားခဲ့သည်။ ကယ်ဆယ်ရေးလုပ်ငန်းများ ဆက်လက်ဆောင်ရွက်နေစဥ်အတွင်း ေ-သဆုံးသူဦးရေ ထပ်တိုးလာနိုင်ကြောင်းကိုလည်း သူက ဆက်လက်ပြောကြားခဲ့သည်။
မီးလေ-ာင်မှုဖြစ်ပွားရသည့် အကြောင်းရင်းကို လတ်တလောတွင် မသိရှိရသေးဟုလည်း သူက ပြောကြားခဲ့သည်။
မီးသည် မြို့တော်ဒါကာ၏ မီယာပူရ်အရပ်ရှိ ခုနစ်ထပ်မြင့်သောစက်ရုံ၏ တတိယထပ်မှ မွန်းတည့်ချိန်ခန့်တွင် စတင်လေ-ာင်ကျွမ်းခဲ့ခြင်းဖြစ်ကာ အရောင်ချွတ်ဆေးမှုန့်၊ ပလပ်စတစ်နှင့် ဟိုက်ဒရိုဂျင် ပါအောက်ဆိုက်ဒ်များ သိုလှောင်ထားရာ ဓာတုသိုလှောင်ရုံကို ကူးစက်လောင်ကျွမ်းခဲ့သည်ဟု မီးသ-တ်အရာရှိ မစ္စတာ တယ်လ်ဟာ ဂျာရှင်းမ်က မျက်မြင်တွေ့ရှိခဲ့သူများကို ကိုးကား၍ ပြောကြားခဲ့သည်။
စက်ရုံမီးလေ-ာင်ကျွမ်းမှုကို အချိန်သုံးနာရီနီးပါးအကြာတွင် ထိန်းချုပ်နိုင်ခဲ့သော်လည်း ဓာတုပစ္စည်းသိုလှောင်ရုံသည် ဆက်လက်၍ မီးလေ-ာင်ကျွမ်းနေခဲ့သည်။ စစ်တပ်၊ ရဲနှင့် နယ်ခြားစောင့်တပ်ဖွဲ့များသည် ကယ်ဆယ်ရေးလုပ်ငန်းများတွင် ပါဝင်ဆောင်ရွက်ခဲ့သည်ဟု တာဝန်ရှိသူများက ပြောကြားခဲ့သည်။
စက်ရုံပိုင်ရှင်များသည် မည်သူမည်ဝါတို့ ဖြစ်ကြသည်ဆိုသည်ကို မသိရသေးကြောင်းနှင့် ရဲနှင့် စစ်တပ်တို့က ၎င်းတို့ကို ရှာဖွေနေကြောင်း မစ္စတာ ချေင်ဒူရီက ပြောကြားခဲ့သည်။
Ref: သည်စထရိတ်တိုင်းမ်စ်