ထိုင်း – မြန်မာ ကုန်သွယ်ရေး လမ်းကြောင်းအတွက် အဓိ ကအခန်းကဏ္ဍတွင် ရှိနေသည့် ဂိတ်တစ်ခုဖြစ်သည့် ထီးခီးဂိတ်ကို မကြာခင် ပြန်လည် ဖွင့်လှစ်မည်ဖြစ်ကြောင်း တနင်္သာရီတိုင်း ဒေသကြီး ဝန်ကြီးချုပ် ဦးမြတ်ကိုက ပြောသည်။
ဒီဇင်ဘာ (၂၁) ရက်နံနက်ပိုင်းက ပြုလုပ်သည့် တိုင်းဒေ သကြီး ရင်းနှီးမြှုပ်နှံမှုကော်မတီအစည်းအဝေး (၁၀/ ၂၀ ၂၂) တွင် ဝန်ကြီးချုပ်က ထည့်သွင်း ပြောကြားသွားခြင်း ဖြစ်သည်။
” ထီးခီးဂိတ်ဟာ အကြောင်းအမျိုးမျိုးကြောင့် ပိတ်ထားရသော်လည်း မကြာခင်မှာ ပြန်လည်ဖွင့်လှစ်မှာဖြစ်ပါတယ်” ဟု တနင်္သာရီတိုင်းဒေသကြီး ဝန်ကြီး ချုပ် ဦးမြတ်ကိုက ပြောသည်။
ယင်းကဲ့သို့ ပြန်လည် ဖွင့်လှစ်ပါက ထားဝယ်ဒေသသည်လည်း ပိုမိုဖွံ့ဖြိုးတိုးတက်လာနိုင်ကြောင်း ၎င်းက ဆိုသ ည်။
လက်ရှိတွင် စက်မှုဇုန်များအနေဖြင့် လုပ်ငန်းများ ဆောင် ရွက်နေသော်လည်း ကုန်သွယ်မှုလုပ်ငန်းများ ယခုထက် ပို မိုလုပ်ဆောင်နိုင်ရန် လိုအပ်ကြောင်းလည်း ဝန်ကြီးချုပ်က ယနေ့ပြုလုပ်သည့် တိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေးတွင် ထည့်သွင်း ပြောကြားသွားသည်။
ထားဝယ် – ထီးခီး လမ်းပိုင်းတွင် တပ်မတော်နှင့် လက်န က်ကိုင်အဖွဲ့များအကြား တိုက်ပွဲများ ပြင်းထန်ခဲ့သည့်အ တွက် အဆိုပါ လမ်းပိုင်းအား ဖြတ်သန်းသွားလာခြင်း မပြုလုပ်ကြရန် လက်နက်ကိုင် အဖွဲ့များက တားမြစ်မှုများလည်း လုပ်ဆောင်ထားသည်။
ထိတွေ့တိုက်ပွဲများ ပြင်းထန်ခဲ့ပြီးနောက် ထီးခီးဂိတ်ကို ပြီးခဲ့သည့် ဧပြီလအတွင်းက ပိတ်ထားခဲ့ခြင်းဖြစ်ပြီး ထို င်း – မြန်မာ နယ်စပ်ကုန်သွယ်မှုအ ချို့ ရပ်တန့်သွားခဲ့ခြင်း ဖြစ်သည်။
ထီးခီးဂိတ်သည် ထိုင်း – မြန်မာကုန်သွယ်ရေးလမ်းကြော င်းတွင် အဓိကကျသည့် နေရာတွင်ရှိနေပြီး ရေထွက်ကုန်များ၊ စိုက်ပျိုးထွက်ကုန်များကို ထိုင်းနိုင်ငံသို့ တင်ပို့နေ ခြင်းဖြစ်သည်။
လက်ရှိတွင် ထီးခီးဂိတ်ကို မကြာမီတွင် ပြန်လည်ဖွင့်လှစ်မည်ဟုသာ တိုင်းဒေသကြီးဝန်ကြီးချုပ်က ပြောကြားထားသော်လည်း မည်သည့်အချိန်တွင် ပြန်လည်ဖွင့်လှစ်မည်ကိုတော့ ထည့်သွင်း ပြောကြားခဲ့ခြင်း မရှိသေးပေ။