ထိုင်းနိုင်ငံရှိ မြန်မာသံရုံး၌ ဗန်ကောက်ဘဏ်မှ ဝန် ဆောင်မှုကောင်တာဖွင့်လှစ်၍ ဘဏ်လုပ်ငန်းများဆောင်ရွက်ပေးမည်
ထိုင်းနိုင်ငံသို့ရောက်ရှိနေသည့် မြန်မာနိုင်ငံသားများ ဘဏ်လုပ်ငန်းဆောက်ရွက်ရာ၌အဆင်ပြေစေရန် ထိုင်းနိုင်ငံရှိ မြန်မာသံရုံးတွင် ဗန်ကောက်ဘဏ်မှ ဘဏ်ဝန်ထမ်းများလာရောက်၍ ဝန် ဆောင်မှုကောင်တာဖွင့်လှစ်ကာ ဘဏ်လုပ်ငန်းများဆောင်ရွက်ပေးသွားမည်ဖြစ်ကြောင်း သိရသည်။
ထိုသို့ ဝန်ဆောင်မှုကောင်တာဖွင့်လှစ်ရခြင်းမှာ ထိုင်းနိုင်ငံသို့ ရောက်ရှိနေသည့် ရဟန်းသံဃာများ၊မြန်မာလုပ်သားများ၊လုပ်ငန်းရှင်များ၊ဆေးရုံတက်လူနာများ၊ကျောင်းသား၊ကျောင်းသူများ သည် အကြောင်းအမျိုးမျိုးကြောင့် ဘဏ်စာရင်းဖွင့်ရန်လိုအပ်ပါက မြန်မာသံရုံး(ဗန်ကောက်)သို့ လာရောက်၍ ထောက်ခံစာရယူရသည်။
ယင်းသို့ ရယူပြီးထိုင်းဘဏ်များသို့ သွားရောက် ၍ ငွေစာရင်းဖွင့်လှစ်ရာ၌ ငွေကုန်ကျမှုရှိခြင်း၊စာ ရင်းမဖွင့်တတ်သူများမှာ ပွဲစားများနှင့်လုပ် ဆောင်ရခြင်း၊နေ့ချင်းပြီးမရရှိခြင်းများဖြစ်ပေါ်နေသဖြင့် မြန်မာသံရုံးနှင့်ဗန်ကောက်ဘဏ်တာဝန် ရှိသူများညှိနှိုင်းကာ မြန်မာသံရုံး၏ ရုံးဖွင့်ရက်များတွင် ဗန်ကောက်ဘဏ်၏ ဝန်ဆောင်မှုကောင်တာဖွင့်လှစ်ရန် သဘောတူညီခဲ့ကြသည်။
ဗန်ကောက်ဘဏ်၏ ဝန်ဆောင်မှုကောင်တာတွင် စုငွေစာရင်းဖွင့်လှစ်ခြင်း(Saving Account)၊ ATM ကဒ်ပြုလုပ်ခြင်း(ATM Debit Cards)၊ဖုန်းသို့ SMS ပို့ခြင်း(SMS Account Alert)နှင့် Online Banking/ Mobile Banking ပြုလုပ်ခြင်း ဝန်ဆောင်မှုများအားပြုလုပ်ပေးသွားမည်ဖြစ်ကြောင်း သိရသည်။
အဆိုပါ ဗန်ကောက်ဘဏ်၏ ဝန်ဆောင်မှုကောင် တာ၌ တစ်ရက်လျှင်လူ ၅၀ ဦးခန့်အားပြုလုပ်ပေးနိုင်မည်ဖြစ်ကာ ဘဏ်စာအုပ်/ဘဏ်ကဒ်အတွက် ကျသင့်ငွေသာပေးချေရမည်ဖြစ်ပြီး ဘဏ်ဝန် ဆောင်မှုအဖွဲ့နှင့်မြန်မာသံရုံးဝန်ထမ်းများအား အ ခကြေးငွေ ပေးရန်မလိုအပ်ကြောင်း သိရသည်။
ဘဏ်ငွေစာရင်းဖွင့်လှစ်လိုသူများအနေဖြင့် မူရင်းနိုင်ငံကူးလက်မှတ်စာအုပ်၊သံရုံး၏ ဘဏ်စာရင်းဖွင့်ခွင့်ထောက်ခံစာ(မြန်မာလုပ်သားများအနေ ဖြင့်အလုပ်လုပ်ခွင့်သက်တမ်းမကုန်သေးပါက Work Permit ပြ၍လုပ်ကိုင်နိုင်ခြင်း)၊ထိုင်းနိုင်ငံ၌ နေထိုင်/အလုပ်လုပ်ကိုင်နေရာ၏ နေရပ်လိပ်စာနှင့်ထိုင်းနိုင်ငံ၌ အသုံးပြုလျက်ရှိသည့် ဖုန်းနံပါတ်တို့လိုအပ်ကြောင်း သိရသည်။
ထိုသို့ ဘဏ်ငွေစာရင်းဖွင့်လှစ်ထားခြင်းကြောင့် မြန်မာနိုင်ငံသားများအနေဖြင့် ငွေအားအလွယ်တ ကူမသုံးမိခြင်း၊လခရရှိသည်နှင့် ATM မှတဆင့် ကဒ်အတွင်းသို့ထည့်၍စုဆောင်းခြင်း၊မြန်မာနိုင်ငံသို့ ငွေလွှဲပြောင်းရန်လွယ်ကူခြင်း၊ Online မှလွယ် ကူစွာငွေပေးချေနိုင်ခြင်း၊ငွေသားမဟုတ်၍ ထိန်း သိမ်းရန်လွယ်ကူခြင်း၊မိမိဖုန်းအတွင်းမှ ငွေလက် ကျန်အားနေ့စဉ်စစ်ဆေးနိုင်ခြင်း အကျိုးကျေးဇူးများ ရရှိနိုင်မည်ဖြစ်သည်။
